‘Newroza Stenbolî do biba fotografê îradeyî’

  • 12:02 18 Adare 2023
  • NAROJANE
 
 
STENBOL - Endama Komîteyê Tertîpî ya Newroza Stenbolî endama Meclîsê HDPyî Aylîn Hacaloglu derheqê Newroza ke do Raşteyê Yenîkapi pê bêro ser o qisey kerd û dîyar kerd ke do Newroze biba fotografê îradeyî û venga tewrbîyayîşî kerd.
 
Newroza emserrî do bi amancê paştdayîşê welatijê ke herêma erdlerzî de bi sloganê, ‘Her ca Newroze her dem azadî’ virazîya.  Xebatê seba Newroze her ca de dewam kenê. Stebol de zî xebat ver bi peynîbîyayîşî şinê. Endama Komîteya Tertîpî ya Newroza Stenbolî endama Meclîsa HDPyî Aylîn Hacaloglu vernîya Newroza Stenbolî ke do 19ê Adare de Raşteyê Yenîkapi pê bêro ercna.
 
‘Newroze do biba fotografê îradeyî’
 
Aylîne da zanayîş ke bi hêrs, şîn û rijnayîşo ke erdlerzî de virazîya Newroze pêşwazî kenê û wina vat: “Newroza 2023yî eynî wext de mîlad a. Newroze sembola xoverdayîşî ya. Ma nê prosesî sey prosesê girdkerdişê xoverdayîşî yê şaran vînenê. Raşteyê Newroze û tewbîyayîşê şarî yê Newroze do bibo fotografê îradeyî. Şar do hesabê nê prosesî biperso û cuya newe awan bikero.”
 
Seba tutan qelema boyaxî… 
 
Aylîne dîyar kerd ke amadekarîyê Newroze dewam kenê û xebatêke cîya pê anê û wina dewam kerd: “Ma pêro qezayan de broşurî vila kerd. Ma kombîyayîş pê ard. Ma zîyaretê keyeyan û bazaran kerd. Qezayan de xebata Newroze bê maben dewam kena. Seba tutanê herêma erdlerzî qaleme, defter, qelemê boyaxî û kitabî yenê arêdayîş. Şar emserr bi hêrsê xo yeno raşteyanê Newroze. Do hemverê tecrîdê serê Abdullah Ocalanî de veng bêro berzkerdiş.”
 
Ma xoverdayîşî gird bikerê
 
Aylîne qiseykerdişê xo yê peyênan de vengê tewrbîyayîşê Newroze kerd û vat: “Newroze berzkerdişê umud, xoverdayîş û têkoşînî ya. Ma dejê şarê xo yê herêma erdlerzî pare kenê. Ma heme kesî 19ê Adare de dawetê Raşteyê Yenîkapiyî kenê.”