Nobeta Edaletî roja 726ine de ya

  • 13:36 18 Adare 2023
  • NAROJANE
 
RIHA - Nobeta Edaletî ya Emîne û Ferît Şenyaşar kewte roja 726ine. Keyeyê Şenyaşarî mesajê "Ganî axê mezlûman ra bitersê.”
 
Merdim û pawitoxê parlamenterê AKPyî yê Rihayî Îbrahîm Halîl Yildiz 14ê hezîrana 2018ine de qezaya  Pirsûsî ya Rihayî de hêrişê keyeyê Şenyaşarî kerdî. Netîceyê hêrişî de mêrde û di lajê Emîne Şenyaşar ameyî qetilkerdiş. Emîne Şenyaşar û lajê aye Ferît Şenyaşar 9ê adara 2021ine de verê Edliyeyê Rihayî de dest bi çalakîya Nobeta Edaletî kerdî. Çalakîya keyeyê Şenyaşarî roja 726ine de dewam kena. 
 
Seba peynîya hewteyî edlîye padayeya coka keye banê xo yê Pirsûsî de çalakîya xo ya Nobeda Edaletî dewam kerd. Keyeyî serê hesabê xo yê medyaya dîjîtale de wina vat: “Ganî merdim axê mezlûman ra biterso. Hela ke na dayîkêke mezlûme biba. Ma reyna anê vîrê kesê ke zilm kenê do dinya de zî bedelê nê çî bidê.”