ÇEWLÎG - Çewlîg de bi sloganê “Her ca Newroze, her wext azadî” û “Bi adirê Newroze ver bi azadîye” pîrozbayîya Newroze dest pêkerd.  

 

Bi rayberîya Kongreya Komela Demokratîke (KCD), Kongreya Demokratîke ya Şaran (HDK), Tevgerê Cinîyê Azadan (TJA), Partîya Herêmê Demokratîk (DBP) û Partîya Çepî ya Keskî reyde Raşteyê Newroze ya Taxa Sarayî ya Çewlîgî bi sloganê “Her ca Newroze, her wext azadî” û “Bi adirê Newroze ver bi azadîye” pîrozbayîya Newroze dest pêkerd.

 

Raşteyê Newroze de beyraqê HDP û Partîya Çepe ya Keske û pankartê ‘Çewlîg sey herêma tofanî bêra îlankerdiş’ ameyî daliqnayîş. Vera varanîke vaareno de bi hezaran şarê Çewlîgî ver bi Raşteyê Newroze ve şî. Newroza ke dîyarîya şarê erdlerzî ameye kerdiş de rêxistina HDP, DBP û Partîya Çepe ya Keske ya Çewlîg û qezayê aye, aktîvîstê TJA, Dayîkê Aştîye, rêxistina civakî ya sivîl û bi hezaran hemwelatîyî tewrê Newroze bîyî. Vera varano ke vareno de dew, qeza û taxê merkezî ra hemwelatijî yenê raşteyê Newroze.

 

Kincanê herêmîyan xora dayî

 

Tay hemwelatîyî bi wesayîtanê xo yê taybetan û tay zî bi wesayîtanê mîyanê bajarî yenê raşteyê Newroze. Hemwelatîyê ke yenê raşte di cayê cîyayan ra derbaz benê û dima ra dekewenê raşteyê Newroze. Cinî, tutî û camêrdî zî kincanê xo yê herêmîyan xora dayî.

 

Newroze de hemwelatîyî hemverê tecrîdê serê Rayberê PKKyî Abdullah Ocalanî, zilm û tedayî vengê xo berz kenê û Newroze do dîyarîya bi hezaran hemwelatîyanê ke erdlerzî de dinyaya xo bedilnayî bêra kerdiş.

 

Pîrozkerdişê Newroze de Parlamenterê HDPyî yê Çewlîgî Erdal Aydemîr, endama DBPyî ya PMyî ya Êlihî Nurten Uzumcu, Hemserekê HDPyî yê Çewlîgî Mihrîban Ekîncî û Feyzullah Şeyhanoglu, Serekê Komîteya Amadekar yê Newroze Zayîm Bagbars sey qiseykerdoxî do ca bigêrê. Sewbîna hunermend Evîn Sindî û dengbêjê herêmî Fettah Yalçinî do bivejîyî serê sahne.

 

Dekewtişê şarî yê raşteyê Newroze dewam keno.