MÊRDÎN - Komîteya Amadekare ya Nisêbînî ke kar û xebatanê xo yê seba Pîrozkerdişê Newroze domnena, şarê Nîsêbînî dawetê Newroza ke do Parka Cîgerxwînî de bêra pîrozkerdiş kerd.

 

Komîteya Amadekare ya Nisêbînî ke kar û xebatanê xo yê seba Pîrozkerdişê Newroze domnena. Komîteya Amadekare ya Nisêbînî çarçeweya xebatanê xo de şî zîyaretê Goristanê Pirdê Şehîdan ke tede mezelê kesê ke Newroza 1992î de dinyaya xo bedilnayî. Parlementera Partîya Demokratîke ya Şaran (HDP) ya Mêrdînî Gulseren Yildirim, Hemserekê rêxistina HDPyî yê qezaya Nisêbînê, Partîya Keskan ya Çepe (YSP), aktîvîstê Tevgerê Cinîyanê Azadan (TJA) û Meclîsê Dayîkanê Aştîye beşdarê bernameyî bîyî.

 

Girse serê pirdî de qerenfîlan aşt awe û kesê ke Newroze de dinyaya xo bedilnayî yad kerd. Dima ra girse Pirdê Şehîdan ra heta raşteyê Dortyolî rayra şî û siloganê ‘Newroze Pîroz Ba’, ‘Biciwîya Newroze’ û ‘Her ca Newroz a’ şarî dawetê Newroza Nîsêbînî ke do siba Parka Cîgerxwînî de bêra pîrozkerdiş kerd.