AMED - Wendekarê unîversîteye Kemal Kûrkût ke demê pîrozbayîya Newroze de ame qetilkerdiş bi qurnefîlan ame yadkerdiş. 

 

Wendekarê unîversîte Kemal Kûrkût demê pîrozbayîya Newroza Amedî ya 2017ine de hetê polîsan ra ame qetilkerdiş, serê Cadeyê Evrîm Alataş ke ser de amebi kiştiş ame yadkerdiş. Kemal hetê Hemserekê Kongreya Komela Demokratîk (KCD) Berdan Ozturk, Hemsereka Pêroyî ya Partîya Herêma Demokratîke (DBP) Salîha Aydenîz, Hemserekê Pêroyî yê Partîya Demokratîke ya Şaran (HDP) Mîthat Sancar, Verfeka Pêroyî ya Partiya Çepî ya Kesk Çîgdem Kiliçgun Ûçar û siyasetmedarê kurd Ahmet Turk cayê ame qetilkerdiş bi qerenfîlan ame yadkerdiş. 

 

Hemserekê Pêroyî yê HDPyî Mîthat Sancar yadkerdiş de qiseykerdişêk kilm kerd û wina vat: “Newroze roja umudê cuya neweyî ya. Newroze roja ke coşê cuye ganeyan rê bena ya la serra 2017ine ra adirê ke her Newroze de berz bena esta. Nameyê nê adirî: Kemal Kûrkût o. Kemal Kûrkût verê çimanê dinya, tîya ame qetilkerdiş. Ma ey reyke bîn bi heskerdiş û rehmet yad kenê. Tena bi qetilkerdişê nêmendî cipersayîşê ke ameyîne kerdiş û dewayê ke ameyê akerdiş yew bi yew ameyî padayîş qerarê beraetî ameyî dayîş. Cînayetê ke bi hawayêkê zelal ame kerdiş bi destê hukmî û hîn organê dewlete ra ame nimitiş. La o qerar seba derbazdar nîyê. Kesê ke birayê ma Kemal qetil kerdî, ma qelb û hişê xo de mehkûm kerdî. Ma soz da ke ma do birayê xo Kemalî bidê ciwîyayîş. Kemalo ercîyaye seba ma nê sozê xo bigîrê heme şarê ma tewr zêde zî ciwanî her wareyê têkoşînî yê û no têkoşîn do qetî serbikewê. Ti zî seke sembolê serkewtişî do têkoşînê ey her tim zerrîya ma de bî.”

 

Piştî axaftinan siyasetmedarî qerenfîlan dayî cayê ke Kemal ci de ame qetilkerdiş û derbazê wareyê Newroze bî.