AMED - Hemsereka MED TUHAD-FEDî Safiye Akdag, Newroza Amedî de qisey kerd û vat: "Xoverdayîşê Zîndanê Hûmara 5ine ê Amedî dest pêkerd, bi ruhê Mazlûm Doganî dewam kena."  

 

Amedo ke warîye pîrozbayîya fînalî ya Newroza 2023ine ê bi heybetî rê kena, wareyê Newroza ke bi se hezaran ca girewtê, waştişê azadîye yê Rayberê PKKyî Abdullah Ocalanî berz benê. Raşteyo ke saetê sibayî ra bi ciwan û cinî herikênê ware pirr bi û bi sloganê “Biciwîyo Serek Apo”, “Bê Serek cuye nêbena” û “PKK şar o şar tîya yo” zim dano.

  

Ciwanê ke têlê 5 mîtroyan berz ê Mudurîyê Polîsan ê Amedî mabêne raşteyî û sahne de dayî ro derbaz kerdî bi sloganê û îşaretê serkewtişî, hemverê tecrîdê Îmraliyî, terkê merdişî yê tepişteyê nêweşî hêrsê xo qîr kerdî. 

 

Hemsereka Federasyonê Komeleyê Paştdayîşê yê Huqûqî yê bi Keyeyê Tepişteyan û Hikumwerdoxan yê Medî (MED TUHAD-FED) Safiye Akdag, serê sîstemê tecrîdî yê Îmraliyî vinderte. Safîy wina vat: “Temsîlkarê cuntayê faşîstî yê ewro AKP û MHPyî yo. Metodê îşkenceyî yê Esat Oktay bi destê Wezaretê Dade yeno kerdiş.”

 

Safiye ard ziwan ke tepişteyê nêweşî terkê mergî ameyê kerdiş, yenê sirgunkerdiş, înfazê tepişteyan yeno veşnayîş û wina dewam kerd: “Roje çin a ke tepişteyî nêrê sirgunkerdiş. Her roje bi tîpê neweyî zîndanê neweyî yenê akerdiş. Tepişteyî hucreyê yew kesî de yê. Nê caardişî tu hiqûqan de çin ê.” 

 

Safiye, ard vîr ke erdlerzan de bi des hezaran merdimî dinyaya xo bedelnayî û wina vat: “Erdlerzan  de zî zîndanan de tedayî dewam kerdî. Bi seyan tepişteyê nêweşî ameyî nûktaya merdişî. Cewabê çalakîya Nobeta Edaletî ya dayikan nêame dayîş. Qêrînayîşê dayikan seba veradayîşê tepişteyê nêweşan bî. Azadbîyayîşê tepişteyê siyasî bi.” 

 

Safiye, dîyar kerd ke serewedaritişê Zîndanê Hûmara 5ine ê Amedî dest pêkerd, dewam keno û wina dewam kerd: “Tepişteyî bi ruhê Mazlum Doganî xo ver danê. Xoverdayîşê zindanan pîl beno, biciwîyo xoverdayîşê zîndanan.”

 

Dimayê qiseykerdişan peyamê Newroze yê “Seba azadîya tepişteyê cinî yê nêweşî 1000 cinî”, Partiya Zehmetantanê Kurdistanî, Tevgera Komelê Demokratîke ya Kurdistanî û Partiya Yewîya Neteweyî ya Demokratîke ya Kurdistanî yê Herêma Kurdistanê Federe, ameyî dawet kerdiş.