RIHA - Keyeyê Şenyaşarî roja yewin ê aşma Remazanî de ame verê edlîyeyî û çalakîya xo dewam kerd. Keyeyê Şenyaşarî ewro nê mesajî pare kerd: "Bi hêvîya ke aşma Remazanî edalet û hizûr bîyaro welatê ma."

 

Merdim û pawitoxê Parlamenterê AKPyî yê Rihayî Îbrahîm Halîl Yildiz 14ê hezîrana 2018ine de qezaya Pirsûsî ya Rihayî de hêrişê keyeyê Şenyaşarî kerdibî. Netîceyê hêrişî de mêrde û di lajê Emîne Şenyaşare ameyî qetilkerdiş. Nê ser de Emîne Şenyaşar û lajê xo Ferît Şenyaşar 9ê Adara 2021ine de vernîya Edlîyeyê Rihayî de dest bi çalakîya Nobeta Edaletî kerd. Çalakîya keyeyê Şenyaşarî roja 731ine de dewam keno.

 

Keyeyê Şenyaşarî ke roja yewin ê aşma Remazanî yê emser zî verê edlîyeyê pêşwazî kerd, keyeyê xo yê Pirsûsî ameyî verê Edlîyeyê Rihayî û verê pankartê ke serê, “Seba keyeyê Şenyaşarî edalet” nuseno çalakîya xo ya ewro dayî destpêkerdiş. 

 

Keyeyê Şenyaşarî derheqê nobet xo ya ewro de serê hesabê xo yê medyaya dîjîtale de nê pare kerd: "Ewro roja yewin ê aşma Remazanî ya. Nobeda ma ya edaletî roja 731ine de serê rayîrê heq û edaletî, têkoşînê ma bi bawerî dewam keno. Bi hêvîya ke aşma remazanî edalet û hîzûr bîyaro welatê ma.”

 

Keyeyê Şenyaşarî do roja ewilî yê aşma remezanî de verê edlîyeyî fitarîya xo bikerê.