MERKEZÊ XEBERAN - Twîtterî cewab da îtîrazê rojnameyê Xwebûn û bi eşkerayîyêka qusurwaştişî hesabê rojnameyî yê @rojnamexwebun akerd û aktif kerd.

 

22yê sibate de Twîtterî bi bahaneyo ke şertê twîtterî bin pay kerdo hesabê rojnameyê hewtane yê bi kurdî Xwebûnî @rojnamexwebun girewtbî. Vera girewtişê twîtterî de îtîraz ameybî kerdiş. Twîtterî cewab da îtîrazê rojnameyî û bi eşkerayîyêka qusurwaştişî hesabê rojnameyî yê @rojnamexwebun akerd û aktif kerd.

 

Eşkerayîya Twîtterî ya derheqê babete wina ya: “Bado ke cigêrayîşêk hîra ame kerdiş, ame fehmkerdiş ke şima şertê twîtterî binpay nêkerdo, ma reyna hesabê şima akerd. Êdî hesabê şima şuxulnayîşî rê akerde yo. Sebro ke şima nê prosesî de mojna vera ma spasîyanê xo kenî û qusurê xo wazenê.”

 

Ercayeyê vîrîardişîyo ke 22yê sibate de twîtterê adrese URLyî yê 340 hesabê medyaya komelkî ameybî astengkerdiş û hesabê rojnameyê Xwebûn û yê ajansê ma yê kurdî zî mîyan de xeylê hesabê dezgehan û dezgehanê kurdîyan zî ameybî girewtiş.