RIHA - Çalakîya Nobeta Edaletî ya keyeyê Şenyaşarî dewam kena. Keyeyî nê mesajî pare kerd: “Hukmat û Meclîsê newe do nê serebûtî roşn bikerê. Demo ke destnêdayîş wedarya do berê zîndanî abibo.”

 

Merdim û pawitoxê Parlamenterê AKPyî yê Rihayî Îbrahîm Halîl Yildiz 14ê hezîrana 2018ine de qezaya Pirsûsî ya Rihayî de hêrişî Keyeyê Şenyaşarî kerdibî. Netîceyê hêrişî de mêrde û di lajê Emîne Şenyaşare ameyî qetilkerdiş. Nê ser de Emîne Şenyaşar û lajê xo Ferît Şenyaşar 9ê Adara 2021ine de vernîya Edlîyeyê Rihayî de dest bi çalakîya Nobeda Edaletî kerdî. Çalakîya keyeyê Şenyaşarî roja 732ine de dewam kena. Keyeyî saetê serê sibayî de Pirsûs ra ame verê berê Edliyeyê Rihayî û dest bi nobete kerd. Çalakî de keyeyî pankartê “Seba keyeyê Şenyaşarî edalet” daliqnayî. 

 

Keyeyî, derheqê babete de serê hesabê xo yê medyaya komelî de nê mesajî pare kerd: “Seba roşnkerdişê qirkerdişê Nêweşxaneyê Dewlete yê Pirsûsî ameyo kerdiş, xeylêk reyan pêşnîyazî pêşkeşê Meclisî ame kerdiş. La no pêşnîyazî bi rayanê AKP-MHPyî ameyî redkerdiş. Hukmato newe yeno awankerdiş û Meclis do nê serebûtî vejo werte. Demê destnêdayîşî werte ra wedarya do berê zîndanî abibo.”