MERKEZÊ XEBERAN - TEV-ÇAND Vakur û Rojhelatê Sûrîye de atolyeya sînemayî organîze keno. Perwerdeyî do 45 rojan dewam bikero. Muracatê seba atolyeye heta 5ê nîsane dewam keno û do atolye 8ê nîsane de dest pêbikera.”

 

Têgêrayîşê Kultur û Hunerî yê Demokratîke (TEV-ÇAND), projeyê Atolyeya Sînemayî ke ci rê serkêşî keno, tewrê Koma Fîlmî ya Rojawan, Tîyatroyê Ko û Sîne Tîyatro bi hawayêk aktîf rolê xo kay bikerî. Komê sinema û tîyatroyî yê girêdayeyê TEV-ÇANDî sey her reye seba nê projeyî zî kede da.

 

Dersê Atolyeya Sînemayî nê yî; Tarîxê Sînema, Senaryo, Wendişê Fîlman, Veng, Kurdî û Sînemayê Şorişgêr, Kostum-Dekor, Kamera, Rejî, Roşna, Montaj û Produksîyon. Kedkarê kultur û hunerî Şêro Hindê, Haşim Aydemîr, Numan Yîgît, Dîrok Artos û Ekîn Ronî zî perwerdekarê atolyeye yê.

 

Muracatê seba atolyeye 23yê adare de dest pêkerd. Emrê muracatan 16-25 o. Kesê ke muracat kenê do înan reyde pêvînayîş bêro kerdiş. Kesê ke muracat kerdî de şert nîyo ke verê cû mîyanê xebata kultur û hunerî de ca girewto. Perwerdeyî de esas zerrîwazî yo. Do 8ê Nîsane de atolyeye dest pêbikera û 45 rojan dewam bikera.

 

Dimayê perwerdeyî do sertîfîka bidê wendekaran. Wendekarê baş û zerrîwazî do bieşkê tewrê Komunê Fîlman ê Rojawanî bibê. Merkezê atolyeyî Qamişlo yo la bajarê bînî zî tewr benê.

 

Wendekarî, dimayê peynîbîyayîşê perwerdeyî do tewrê projeyê fîlmê kilmî bêrê kerdiş û do nê fîlmê kilmî hamnanî bêrê antiş.

 

Serrê peyînî, xeylêk fîlmî ameyî viraştiş. Komunê Fîlman ê Rojawanî, 14ê temmuze serra 2015ine awan bi û rayberê xeylêk xebatê hunerî rê kerd. Fîlmê, Seba Azadîye û Kobanê, rêzefîlmê Evîna Kurd û Tava Sor zî antî. Seba averberdişê hunerî xeylêk hewil da. Komunê Fîlman ê Rojawanî, serra 2015ine ra xeylêk rayan perwerde daya.

 

Atolyeya Sînemayê ke Akademîya Kultur û Hunerî ya, sînemakaran do seba ameyoxî û akademîya ke do bêro akerdiş resnena. Akademîya Şehîd Yekta ke hetê TEV-ÇANDî ra ameya akerdiş zî di serran perwerdeyê kulturî da. Xeylê ciwanê na akademîye perwerde bî, hema zî xebatê TEV-ÇANDî yê Rojawanî de, xebatê kultur û hunerî de bi rolê giring wurzenê. Bi taybetî fîlmê; Ji bo Azadiyê, Kobanê û rêzefîlmê Tava Sor û Evîna Kurd de kay kerdî.