MERKEZÊ XEBERAN - Buroyê Huqûqî yê Asrinî dîyar kerd ke 2 serrî yo nêeşkenê Rayberê PKKyî Abdullah Ocalan û tepişteyanê bînan ê Îmraliyî ra xebere bigêrî û vat: “Ganî qerarê tedbîrî yê Komîsyonê Heqanê Merdiman ê Neteweyanê Yewbîyayeyan cade bêrê caardiş.”

 

Di serrî yo Rayberê PKKyî Abdullah Ocalan û tepişteyanê bînan ê Îmraliyî Omer Hayrî Konar, Hamîlî Yildirim û Veysî Aktaşî ra xebere nînan girewtene. Buroyê Huqûqî yê Asrinî derheqê babete de eşkerayîya nuştekîye daye.

 

Buroyê Huqûqî yê Asrinî ard ziwan ke tewr peynî de 25ê adara 2021î Rayberê PKKyî Abdullah Ocalanî birayê xo reyde bi telefonî qisey kerd û a roje ra nata rixmê heme muracatan tira xeberêkê nêameye girewtiş û nê vatî:

 

“Seba ke ma nêeşkenê muwekîlanê xo zîyaret bikerê, sere de weşî ma derheqê rewşa înan de qet çîyêk nêzanê. Di serrî yo ma Serdozgerîya Komare ya Bursa û Mudirîya Zîndanê Îmraliyî rê 274 rey muracatê avûkatan 118 rey muracatê keyeyan ameyî kerdene la rixmê nê muracatan netîceyêke nêameye girewtene. Heme heqê netewî û mîyanneteweyî yenê bipaykerdene. Vera nê binpaykerdişê heqan, muracatê ma ke herême ra heta Mehkemeya Qanûnê Bingehî ameyî kerdene, pêro bênetîce mendî. Dezgehê hukmî herinda caardişê qanûnî de tecrîdî xorî kenê.

 

Birêz Ocalan û muwekîlanê ma yê bînan ra xebere nêgirewtiş qet pê madeyê qanûnî û huqûqî nêeşkeno bêro îzahkerdene. Muwekîlê ma dinya, komel û her kes û her çîyî ra ameyî qerfnayene û bêpawitiş ameyî verdayene. No îşkence yo. Seba ke binpaykerdişê heqanê ê Îmraliyî bêrê wedaritene gerek qerarê tedbîrî yê Komîsyonê Heqanê Merdiman ê Neteweyanê Yewbîyayeyan cade bêrê caardene. Komîte êlula 2022yî de hukmatî ra vatbi, caardişê Îmraliyî vera qedexeyê îşkenceyî yê gerek cade bêrê wedaritene la dewleta ke binê pêkerdişanê mîyannetewîyan de morê ci est o, nê qerar nêvînayîşî ra ameye.

 

Bi qala kilme tecrîdê Îmraliyî Tirkîya de verê huqûq û demokrasîyî geno û no zî  xora cuya komelî serûbin keno. Semedê huzûrê welatî gerek meseleya kurdan bêro çareserkerdene û sîstemê tecrîdî yê Îmraliyî bêro wedaritene. Rayîrê çareserîye yo ke Birêz Ocalan nîşan dano, eşkeno welatî na tengayî ra bixelisno.

 

Ma reyna vajê rixmê qeraranê mîyanneteweyî, di serrî yo xebere nêgirewtiş rewşa zaf muhîm a. Ma zaf qesawet kenê. Wa qerarê tedbîrî yê Komîsyonê Heqanê Merdiman ê Neteweyanê Yewbîyayeyan cade bêrê caardene. Sere de pêvînayîşê avûkatan wa heme heqê tepişteyanê ke destê înan ra ameyî girewtene bêrê caardene. Gerek şarê ma zî hîsgêr bo.”