RIHA - Keyeyê Şenyaşarî ke nobeta xo ya edaletî dewam kena derheqê nobeta xo de nê mesajî pare kerd: "Seba edalet pê bêro, ma do pîya têkoşînê xo dewam bikerê."

 

Merdim û pawitoxê Parlamenterê AKPyî yê Rihayî Îbrahîm Halîl Yildiz 14ê hezîrana 2018ine de qezaya Pirsûsî ya Rihayî de hêrişê keyeyê Şenyaşarî kerdibî. Netîceyê hêrişî de mêrde û di lajê Emîne Şenyaşare ameyî qetilkerdiş. Fadil Şenyaşar zî 5 serrî yo tepişte yo. Nê ser de Emîne Şenyaşar û lajê xo Ferît Şenyaşar 9ê Adara 2021î de vernîya Edliyeyê Rihayî de dest bi çalakîya Nobeta Edaletî kerdî. Çalakîya keyeyê Şenyaşarî roja 733ine de dewam keno.

 

Keyeyê Şenyaşarî seba edlîye roja şeme û yewşeme padaye ya çalakîya xo keyeyê xo ya Pirsûsî de dewam keno. Keyeyî serê hesabê xo yê medyaya dîjîtale nê mesajî pare kerd: "Yê ke şîyê ma nêeşkenê bîyarê la seba edalet pê bêro ma do pîya têkoşînê xo dewam bikerê.”