MERKEZÊ XEBERAN - 2 polîsê ke cipersayîşê îşkenceyê Licê yê tutê 14 serre Y.D. de amebî tepiştiş, bi şertê kontrolê edlî ameyî veradayîş.

 

Qezaya Licê ya Amedî de roja Newroze 21ê Adare de polîsan tutê bi nameyê Y.D.yê 14 serrî îşkence kenê û ci rê ferz kenê ke o nîngan kurdan rê biçîno û marşê Îstîklalî û şîîra Mehmetçîkî wazenê bidê ezberkerdiş. 5 polîsê ke çaçewaya cipersayîşê derheqê îşkenceyî de yeno rayraberdiş de ameyî destbendkerdiş, 26ê adare de hetê dozgerî ra bi sucdarîya “kese azadîya ci ra bêpar verdayîş û birîndarkerdişê bi qestî” bi waştişê tepiştişî, sewqê dadgehe amebî kerdiş. Dadgeha Ceza ya Sûlhî ya Licê derheqê polîsê bi nameyê Îsmaîl Akkûş, Emre Ozcan û Gokhan Bay de bi sûcê “birîndarkerdişê bi qestî” qerarê tepiştişî dabî û her di polîsê bînî verada bî.

 

Serê îtîrazê Serdozgerîya Komare û pawitoxê wendayoxî vizêr derheqê midurê polîsan Aykût Oral û polîs Hayrettîn Çakmak de qerarê tepiştişî ame dayîş. 2 polîsê ke Dadgeha Ceza ya Sulhî ya Licê de derheqê înan de qerarê tepiştişî da, Dadgeha Ceza ya Sulhî ya Licê bi şertê kontrolê edlî înan serbest vera da.

 

Serekê Baroyê Amedî Nahît Eren zî serê hesabê xo yê Twîtterî de dîyar kerd ke do îtîrazê qerarî bikerê.