RIHA - Keyeyê Şenyaşar ke verê edlîyeyê Rihayî de çalakîya xo dewam keno, serê hesabê xo yê dijîtale de nê mesajî pare kerd: "Çîyo ke Rihayî de vînî bîyo edalet o, çîyo ke vînî bîyo merdimayî yo."

 

Merdim û pawitoxê Parlamenterê AKPyî yê Rihayî Îbrahîm Halîl Yildiz 14ê hezîrana 2018ine de qezaya Pirsûsî ya Rihayî de hêrişê keyeyê Şenyaşarî kerd. Netîceyê hêrişî de mêrde û di lajê Emîne Şenyaşare ameyî qetilkerdiş. Nê ser de Emîne Şenyaşar û lajê aye Ferît Şenyaşar 9ê adara 2021ine de vernîya Edlîyeyê Rihayî de dest bi çalakîya Nobeta Edaletî kerdî. Çalakîya Keyeyê Şenyaşarî roja 736ine de dewam kena.

 

Keyeyî, saetê serê sibayî de Pirsûs ra ameyî verê berê Edlîyeyê Rihayî de dest bi çalakîya xo kerdî. Çalakî de keyeyî pankartê “Seba keyeyê Şenyaşarî edalet" akerdî. Keyeyê şenyaşarî serê hesabê xo yê dijîtale de nê mesajî pare kerd: "Çîyo ke Rihayî de vînî bîyo edalet o, çîyo ke vînî bîyo merdimayî yo. Roja 736ine de ma verê edlîyeyî de edalet gêrenê û no bêedaletî peynî bibo."