MERKEZÊ XEBERAN - Xelata Rojnamegerîye de Wijdan û Raştî ke her serre hetê Weqfê Rojnamegerîya Niemanî ra yena dayîş, emserr dîyaye rojnamegerê Îranî yê tepişte Nilûfer Hamidî û Elaha Mihemedî.

 

Weqfê Rojnamegerîya Niemanî ya Unîversîteya Harvardî ke her serre Louis M. Lyons dana, Xelata rojnamegerîye de wijdan û raştî, emserr da rojnamegerê îranijî yê tepişte Nilûfer Hamidî û Elaha Mihemedî.

 

Weqfê Rojnamegerîya Niemanî merasîmê xelatdayîşî ke vizêr ame viraştiş de dîyar kerd ke xelate dayî rojnamegerî îranijî yê tepişte Nilûfer Hamidî û Elaha Mihemedî. Sewbîna da zanayîş ke wexto ke zîndan ra bivejîyî ê seba ke xelata xo bigêrî na waştişe bi ABDyî kerdê. 

 

Rojnamegerê îranijî yê tepişte Nilûfer Hamidî û Elaha Mihemedî bi cesaret xeberê raşt resnayî şar, coka ra zî hetê weqfê rojnamegerê Kanada ra xelata Rojnamegerîya Mîyannetewî girewtî.