AMED - 9ine Festîvala Tîyatroyî yê Amedî bi kayê Gomîdas ke Dêrê Armenîyan ê Surp Giragos ame kaykerdiş, peynî bî.

 

Festîvala Tîyatroyî yê Amedî ke emser hetê Tîyatroyê Bajarî yê Amedî na rey 9ine ame organîzekerdiş, vizêr şan de peynî bî. Çarçewaya festîvala ke bi şîarê “Bi hebûna xwe, bi xwebûna xwe/ Bi hebûna xwe, bi nasnameya xwe” ame organîzekerdiş, kayê 18 komê tîyatroyî ameyî pêşkêşkerdiş. Festîvale vizêr şan de  bi pêşkêşkerdişê Gomîdas peynî bî. Kayê Gomîdas ê yew kesî Dêrê Armenîyan ê Surp Giragos de ame kaykerdiş.

 

Kayê ke hetê Tîyatroyê Yolcu ra ame kaykerdiş û rejîsorîyê ci Ahmet Samî Ozbudak kerdibî eleqeyêk pîl dî, bi seyan kesî 100 deqeyî kayî temaşe kerd.

 

Yew kaybazê Tîyatroyê Bajarê Amedî Ozcan Ateş qiseykerdişê peyîn ê festîvale de sipasîya pêro sazgehê ke keda înan festîvale de est o kerd. Hemşaredarê Bajarê Pîlî yê Amedî Dogan Hatun zî plaket da kesê ke keda înan kayî de est a û sipasîya înan kerd.