WAN - Wan de dayîkan derheqê hemkarîya PDK- AKP-MHPyî de venga ‘destê xo kurdan ser o biancê’ kerdî.

 

Hêrişê Tirkîya yê bi hemkarîya PDKyî hemverê Başurê Kurdistanî de dewam kenê û xeylêk nokteyê Başûrê Kurdistanî de, baragehê leşkerî ameyê awankerdiş û Tirkîya xeylêk nokteyê binê kontrolê PDKyî de fîna.  Hêrîşê bi hemkarîya PDK û AKPyî yê hemverê kurdan dewam kenê û Tirkîya ra sewqiyatêk pîl a semedê Başurê Kurdistanî pê ame.

 

Wan ra dayîkî derheqê hemkarîya ke PDKyî ke îqtîdarê tirkî reyde kerdo, qisey kerdî.

 

‘Şarê kurdî yewbînan ra nêbeno’

 

Aynur Hayat Atabay da zanayîş ke şarê kurdî binê tedayî de yo û bale ant serê tecrîdê tepişteyê sîyasî  û Rayberê PKKyî Abdullah Ocalanî. Aynure wina vat:  “Bi 40 aşmî yo ne avûkatî ne zî keye eşkeno pêvînayîş bikero. Yanî pêro heq destê înan ra ameyo girewtiş. Her cayî de heqê tepişteyan est o. Sey pêro tepişteyan heqê Birêz Abdullah Ocalanî zî yê pêvînayîşê keyeyî, pêvînayîşê avûkatan reyde est o. Ganî no heq ca bêro. No zulmêk pîl o, bêhuqûqî yo û bêedaletî yo. Xora nê welatî de edalet û huqûq çin o. Îxaneto tewr pîl Barzanî kerdo. Barzanî û Erdogan dest dayê yewbînan û gonîya kurdan rijnenê. Eke  wijdanê Barzanî estbîne ma zî sey şar bihesibnayîne. Wa bes gonîya şarê xo birijêno, kurdî yewbînan ra nêbenê.”

 

‘Barzanî şaşîyêk pîl de yo’ 

 

Serê nameyê dayîkê Aştîye yê Wanî, Zekiye Kaya qisey kerd û nê çî vat: “Ganî Barzanî lezkî şaşîya ke keno caverdo. Demê verî tutanê kurdan to hêrişê  DAIŞî ra xelas kerd. Tay bi wijdan be. Ma ey sey lîderê kurdî vînayîne. Nika kewto şaşîyêk pîl. Wa  destê xo bido serê wijdanê xo. Êdî bes o.”

 

‘Şarê kurdî bêwayîr nîyo û tena nîyo’

 

Perîşan Aslan zî wina vat: “Polîtîkaya ke Barzanî şaş a. Çîyo ke Barzanî keno dişmin nêkeno. Wa êdî çimanê xo abikero. Şarê kurdî bêwayîr nîyo û tena nîyo. Do tewr peyîn Erdogan ci rê îxanet bikero. Tirkîya wa îqtîdarî ra bawer nêkero. Do roje bêro nêeşko xo xelas bikero.”