MERKEZÊ XEBERAN - Mûxabîra ajansê ROJNEWSî Dêrîn Rehîm wexto ke eşkerayîya çapamenîye taqîb kerd, asayîşê Silêmanî hêriş berd ser û dest dayî serê telefon û kelûpelê aye yê rojnamegerîye.

 

Cepheyê Yewîye ya Hemverê Îşxalkerdişî semedê  şermezarkerdişê hêrişê dewleta tirkan serê Başûrê Kurdistanî de eşkerayîya çapemenîya ke viraştî, hetê Asayîşê Silêmanî ra ame astengkerdiş. Asayîşî bi şuxilnayîşê hêzî girse vila kerd û destûr nêda eşkerayîya çapemenîye bêro dayîş.

 

Endamê Asayîşî rîyê 2 kesan birîndar kerd. Netîceya hêrişan de dest dayî serê tîmê mûxabîra Ajansê Xeberan ê ROJNEWSî.

 

Mûxabîra ROJNEWSî Dêrîn Rehîm ke hêriş ci rê ame kerdiş wina vat: “Wexto ke ma çalakî û eşkerayîya çapemenîye taqîb kerdêne, hêzê asayîşî hêrişê ma kerd û ez tepişta. Dest dayî telefonê mi ser û kelûpelê min yê rojnamegerîye. Sewbîna hêzê asayîşî dayî mi ro, mi zaf dejnayî, dima ra telefonê mi dayî û mi serbest veradayî. La hema zî kamera û kelûpelê min yê bînî asayiş de yê û teslîmê ma nêkerdê.”