MERKEZÊ XEBERAN - Bi seyan welatijê kantonê Firatî hemverê tecrîdê Rêber PKKyî Abdullah Ocalanî ser o, vejîyayî meydanan.

 

Semedê 3 aşmî qedexeyêk bîn ê pêvînayîşê keyeyî reyde, Rayberê PKKyî Abdullah Ocalan û tepişteyê bînî Hamîlî Yildirim, Omer Hayrî Konar û Veysî Aktaş amebî birnayîş. Hemverê nê qerarî de şarê Kantonê Firatî vejîya meydanan. Şar Meydanê Jina Azad a Kobanê de kom bî û heta Meydanê Aştî rayîr ra şî.

 

Rayîrşîyayîş de fotografê Abdullah Ocalanî ameyî berzkerdiş û sloganê “Bê serok jiyan nabe” û “Bi can û bi xwîn em bi te re ne ey serok” ameyî berzkerdiş. Dimayê ke raywanî resayî Meydanê Aştî eşkerayîyêke ameye dayîş. Eşkerayî hetê hemsereka Meclisê Keyeyê Şehîdan ê Kantonê Firatî Sara Xelîl ra ame wendiş.

 

Sara Xelîl vat: “Dewleta faşîste reyke bîn cezaya pêvînayîşî rayberê ma rê birna. Bi 4 serrî yo tu agahî rayberê ma ra nîna girewtiş. Ma dewleta tirkan ra vanê do nêeşko bi tecrîd ma û rayberê ma yewbînan ra bivisno.”