MERKEZÊ XEBERAN - Heyetê DEM Partî û TJAyî Hewlêr de bi komêk sîyasetmedar û aktîvîstê cinîyan reyde ameyî têhet. 

 

Pêvînayîşê Partîya Têduştî û Demokrasî (DEM Partî) û Têgêrayîşê Cinîyanê Azadan (TJA) yê Herêma Federe ya Kurdistanî dewam kena. Heyeto ke Parlamenterê DEM Partîye Newroz Uysal Aslan û Gulcan Kaçmaz û parlamentera verî Ayşe Acar Başaran zî mîyan de bî, derheqê tecrîdê Rayberê PKKyî Abdullah Ocalanî ser o û hêrişê hemverê herêma Hewlêrî komêke cinîyê sîyasetmedar û aktîvîstan reyde pêvînayîş kerdî. 

 

Namzeta parlamenterîye ya YNKyî ya Hewlêrî Parêz Omer zî pêvînayîş de ca girewte. Parêz Omer, pêvînayîş de wina vat: “Ma keyfweş ê ke heyet pêşwazî kenê. No pêvînayîş, hetê xo yê dostane û neteweyî, eynî demî de pêvînayîşêk xoser ê cinîyan o. Ça wa beno wa bibo ma netewêk ê. Nê esasî ser de ma wazenê babetê cinîyan, neteweyî û welatê xo de tewr zêde hemkarî bikerê. Amancê ma yê esasî oyo ke cinîyê kurdistanî tewr zêde bêrê têhet.”

 

Neweroze zî wina qal kerd: “Ma problemê cinîyan ser yê  seba rewşa pêroyî yê Kurdistanî û şer virazênê munaqeşe kenê. Eynî wextî de ma rolê cinîyan ê a awankerdişê yewîya neteweyî de ercna û ma serê girîngîyê awankerdişê platformê hempar vindertî. Babeta awankerdişê yewîya neteweyî de tesîrê şert û mercê serkêşê kurdan û averşîyayîşê kampanyaya hemverê tecrîdê serê birêz Ocalanî yê seranserê dinya de vila bî ame munaqeşekerdiş.”