Gulistan Gulmuş

 

DÊRSIM - Verfeka Komîsyonê Şarî û Bawerîyan ê DEM Partî Yuksel Mutlu da zanayîş ke elewî bi seserran o hemverê qirkerdişî de têkoşîn kenê û wina vat: “Hêrişî ewro zî dewam kenê. Hemverê nê hêrişan de vindertişêk îdeolojîk bêro mojnayîş.”

 

Verfeka Komîsyonê Şar û Baweriyan ê DEM Partî Yuksel Mutlu da zanayîş ke verê ra heta ewro polîtîkayê hemverê bawerîya elewîyan ameya averşîyayîş û seba pawitişê ercê elewî fikrê xo ard ziwan.

 

‘Elewitî bawerîyêk xo seperneno xoza’

 

Yuksele da zanayîş ke elewitî felsefî nê, formê bawerîye yo û eynî wextî de bawerîyêke kan û qedîm o. Yuksele wina vat: “Elewîtî îslam ra zî tesîr bîyo. Pêro sîstemê bawerîyî yê Rojhelatê Mîyanên zî yewbînan ra tesîr bîyê. La elewitî dînêk nîyo. Dînî ê dewletî yê, wexto ke îqtîdarî bibê, kenê binê îqtîdarê xo. Elewîtî bawerî yo. Anîmîzm, şamanîzm, îslamiyet, zerduştî ra tesîr bîyo.”

 

Esasê ci komel awan kerd 

 

Yuksele dewam de wina vat: “Elewîtî de kitab yan zî pêxemberê ci çin o. Esasê ci komelî goreyê xo awan kerdo. Dimayê ke dewan ra koçberê bajaran bîyê, wareyê asîmîlasyonî zî abîyo. Dima ra sazgehê elewî reyde kewto demêk newe. Caardişê çîyêk baş nîyo. Eke no sîstemê bawerî heta ewro ameyo, serê cinîyan de ameyo. Ma semedê înan hezaran rey sipas kenê. Semedo ke înan na bawerî û dînî dewam kerd.”

 

‘Herra tirkan ser o sey xizmetkar şuxilîyayê’

 

Yuksele vat, elewî prosesê koçberî de xeylêk tesîr bîyê û herra tirkan ser o sey xizmetkar şuxilîyayê. Yuksele wina vat: “Wexto ke peyser ameyê herra înan hemkaranê înan ra ameya verdayîş. Hemverê hêrişan îdeolojîkî de ganî vindertişêk îdeolojîk bibo. Qirkerdişê Dêrsîmî serê kok û bawerî de yeno kerdiş. Ewro hema zî merdimî semedê xoza, bawerîya xo têkoşîn kenê. Ma semedê xo, sazgehê xo reyde têkoşîn bikerê.”