Mîdye Miqted

 

HELEB - Cinîyê Taxa Şêx Meqsûdî yê bajarê Helebî derheqê dewamkerdişê tecrîdê Rayberê PKKyî Abdullah Ocalan ser o dîyar kerdî ke ê do heta peynî hemverê tecrîdî de têkoşînê xo dewam bikerê û vatî: "Rayberê ma tenê semedê şarî kurdî nê, semedê azadîya pêro şarê bindestî têkoşîn kerdo. Coka ganî Rayberê ma azad bibo."

 

Heqê pêvînayîşî yê Abdullah Ocalanî keye û avûkatan reyde bi sebebê “cezayê disiplînî” yenê astengkerdiş. Mabêne serranê 2021-2023ine de her yew semedê 3 aşman tewr tay 7 cezayê disiplînî Abdullah Ocalan û tepişteyanê bînan rê ame birnayîş û heqê înan ê pêvînayîşî ame astengkerdiş. Sebebê nê cezayê dîsiplînî û nimreyê dosyayan pêwa pêro muracatan û îtîrazan avûkatan reyde nîno parekerdiş. 

 

'Rayberê ma Rayberê azadî, aştî û demokrasî yo'

 

Mewlîde Oso wina qal kerd: "Rayberê Şarê Kurdî Abdullah Ocalan zîndanê Girawa Îmraliyî de yeno tepiştiş. Hîrê serran ra zêdeyêr o agahî ci ra nîna girewtiş. Ganî rêxistinê ke bi demokrasî û heqê merdiman veng danê, wayîrê dewaya Rayberê ma vejîyê. Semedo ke Rayberê ma Rayberê azadî, aştî û demokrasî yo. Qey dinya heta roja ma ya ewro serewedaritiş û têkoşînê ma yê bêmabên ê semedê azadîya Rêbertî nêvînena ke heta nika xo mîyanê dêsê bêvengîye de verdena? Ganî CPT bi wezîfe û berpirsiyarîyê xo wurzo. Ma waştişê zaneyîşê agahîya Rayberê xo ser kenê."

 

'Ma wazenê derheqê rewşa Rêbertî de xebere bigîrê’

 

Esmehan Omar zî nêrazîbîyayîşê xo hemverê qedexekerdişê pêvînayîşê Rayberê PKKyî Abdullah Ocalan reyde dîyar kerd û wina vat: "Pêwa ke Raybertî hende serrê derg ê Zîndanê Îmraliyî de yeno tepiştiş la bî hîrê serrî yo xebere ci ra nîna girewtiş. Ma tu xebere rewşa Rayberê xo ra nêeşkenê bigîrê. Rêxistinê mîyanneteweyî zî hemverê tecrîdî de bêveng ê. La ma xeylêk bi israr ê ke ma xeberêke rewşa Rayberê xo ser bigîrê."

 

'Rayberî ma zilm û koletî ra xelas kerd'

 

Fikret Bekîr Mistefa zî reaksîyon mojna û wina vat: "Bi naskerdişê ma yê felsefeya Raybertî reyde bi ruhê azadî û aştî zerrîya ma de vejîya. Rayber Abdullah Ocalan ma zilm, zordarî, nêzanî û koletî ra xelas kerd. Tenê cinî nê labelê camêrdo ke bi îqtîdarê dewlete ra amebî xapênayîş zî a dafike ra ameyî xelasnayîş. Ma hezar serrî yo ciwîyenê la dişminê şarê kurdî semedo ke peynî xelasiya koletî bîyarê heta roja ma ya ewro bi amancê çinkerdişê şarê kurdî kar keno û lêşinîyê xo dewam keno."

 

Venga wayîrvejîyayîşê Abdullah Ocalanî 

 

Fikrete tewr vengdayîşê wayîrvejîyayîşê Abdullah Ocalanî kerd û wina vat: "Ma venga CPTyî kenê ke wayîrê dewaya Raybertî vejîyê. Bi israrê dewamkerdişê tekoşînî heta dilopêk gonî bendenê ma de bibo, ma do semedê Rayberê xo xo ver bidê."