Elfazi Toral

 

STENBOL - Endama Komîsyonê Cinîyan ê Sendîkaya Metal ê Yewbîyaye Naz Şakar, bale ant serê muhmîyê têkoşînê cinîyan ê semedê bidestkerdişê statuyêk têduştî yê kargehan û semedê nê zî bale ant serê rêxistinbîyayîşê sendîkayan.

 

Nê prosesê ke hukmat nêtêduştîya cinsî hîna kûr keno de, yew wareyê ke cinî tesîr benê kargeh ê. Komîsyonê Cinîyan ê Yewîya Karkerê Metalî bi sloganê, “Ma polîtîkayê têduştî, pêroyî, komelî wazenê” xebatê xo kenê ke cinîyê kedkaran reyde têkilî ronê û semedê cinîyê ke kargehan de şuxilênê bibê wayîrê heq û cuyêka têduştî, bi têkoşînêk hişmendî û rêxistinkerde rê hemkarî bikerê. 

 

Endama Komîsyonê Cinîyan yê Sendîkaya Metalî ya Yewbîyaye Naz Şakar, dîyar kerd ke ganî cinîyê kedkarê metalî yê babeta vatişî ya bi polîtîkayê têduştî, komelî û gelemperî pêro wareyê cuye de, bi taybetî zî cuya xebate de newe ra bêrê rêxistinkerdiş.

 

Cuya karsazîyê cinîyan de tehluke!

 

Naze wina qal kerd: “Ganî hîn polîtîkayî bêrê taqîbkerdiş. Sey xebata nerm û bêasayîş ya semedê cinîyan ke do bîyayîşê ma yê cuya karsazî de asteng bikero û cinîyan cuya karsazî de ver bi peyser bianco. Ma nîşaneyê nînan vînenê. Eynî wextî de bi kêmbîyayîşê dayeyê dayîkbîyayîşî rê, binê nameyê teşwîqkerdişê cinîyan de semedê welidnayîşî bîyayîşê cinîyan cuya kar de keweno tehluke. Ma polîtîkayê ke benê ke asayîşê cinîyan cuya karsazî de bikero tehluke, endîşeyîn ê."

 

Muhîmîyê têkoşînî ser

 

Naze dîyar kerd ke sey cinîyê kedkarê metalî bi tedayê komelê serdest de rî bi rî manenê. Naze bal ant serê sendîkaya cinîyan û bale ant serê muhîmîyê têkoşînî yê hemverê nê zehmetîyan. Naze venga têkoşînî pêro cinîyê kedkaran kerd.

 

Venga cinîyan danê

 

Naze dîyar kerd ke ganî endamîya sendîkayan û îstîhdamê bi asayîşî bibo şert. Naze vat, endamîya cinîyan sendîkayan de û heqê qiseykerdişî serê têduştîya cinî û camêrd komîsyonê cinîyan reyde wexto ke sey endamê sendîkayan şuxilênê û no çî cigêrayîşê heqan de muhîm o. Naze bale nat serê têkoşînê semedê waştişê kreşan ê kargehan vejîyo vernî û wina vat: “Ma fikrîyenê ke eke destek bidê komîsyonê cinîyan ê têkoşer, nê hêrîşî eşkenê bêrê vindarnayîş. Nê semedî ra ma venga cinîyan kenê ke dorê waştişê xo de bibê yew û pîya nê têkoşînî pîl bikerê.”