MERKEZÊ XEBERAN - Aşma temmuze de 21 cinî û 4 tutî ameyî qetilkerdiş, 22 cinî û 2 tutî zî bi şik dinyaya xo bedelnayî.

 

Şîdetê cinîyan ser o ke bajarê Tirkîya û Kurdistan de her ke şino zêde beno, tutan zî kişeno. Wexto ke camêrdê kerdoxî bi sebebê cîya muracatê her tewir şîdetî kenê, cinîyê ke mîyanê şîdetê keyeyî, dewlete û camêrdî de semedê pawitişê cuya xo têkoşîn kenê.  Her çiqas xeylê xo hedîseyê şîdetî çapemenî û rayaumûmî de ca nêgîrê zî bîlançoyê netîceyê şîdetî mojneno. Goreyê dayeyê ajansê ma arê da, aşma temmuze de 21 cinî û 4 tutî ameyî qetilkerdiş, 22 cinî û 2 tutî zî bi şik dinyaya xo bedelnayî.

 

Stenbol û Meletî rêza yewine de yê

 

Xarpêt de 2, Kutahya de 1, Edene de 1, Stenbol de 3, Meletî de 3, Karaman de 1, Semsûr de 1, Sêrt de 1, Erzirom de 1, Gîresûn de 1, Kayserî de 1, Kocaeli de 1, Edîrne de 1, Gumuşhane de 1, Mêrsîn de 2 cinî ameyî qetilkerdiş.