STENBOL - Endamê Xeta Cinî dîyar kerdî ke ê do bi sloganê xo cewab bidê qirkerdişê kulturî û dîyar kerdî ke ê do hemverê hêrişan de xopawitiş pê bîyarê û mesaj dayî ke ê do derûdorê Xeta Cinî de ruhê xoverdayîşî geş bikerê.

 

Xeta Cinî bi sloganê “Xeta cinî xeta cuye ya” hemverê polîtîkayê qirkerdişê kulturî xeta têkoşînî ke dorê xo aver berda, hîra keno "Xeta cinî xeta cuye ya" de, bi xebatê xo têkoşînê semedê reng û vînayîşê cinîyanê ciwanan hîra kena.

 

Xeta Cinî ra Esra Meneş û Esma Taşdemîr serê xetê têkoşînê hemverê polîtîkayê qirkerdişê kulturî ercnayîş kerd.

 

'Ma derûdorê Xeta Cinî de ruhê xoverdayîşî pîl kenê'

 

Esra dîyar kerd ke waştişê Xeta Cinî bi xeta cuye, vînayîş û hîskerdişê cinî bidê cuyayîş û wina vat: "Ma bi ruhê xoverdayîşî kuçeyan de sloganê Jin Jiyan Azadî pîl kenê. Kampusan, her cayî de ma do pîl bikerê. Ma Xeta Cinî hemverê zîhnîyetê îqtîdarî yê ke wazenê seserra 21î de bivurnê qirkerdişê cinîyan, kom benê. Ma venga pêro cinîyan û bi taybetî cinîyê ciwanan kenê ke dorê Xeta Cinî de xo bi rêxistin bikerê."

 

'Cinî bi xo cuye ya'

 

Esma, da zanayîş ke ê do bi şîarê "Xeta cinî xeta cuye ya" ruhê xoverdayîşî yê hemverê polîtîkayê qirkerdişê kulturî newe ra bêro awankerdiş û dîyar kerd ke mîyanê şarê bindestî de sîstemê sîyasî yê modernîteyê kapîtalîst hêrişê tewr girîng serê nasnameyê cinî yo. Esma wina vat: “Cinî bi xo cuye bi xo ya, semedo ke cinî bimuso, musnena. Ewro tewr zêde hêriş hemverê cinîyê kurdan de yeno kerdiş. Wazenê bîyayîş, ziwan û kulturê kurdan çin bikerê. Ma do bi sloganê xo cewab bidê nê pêro polîtîkayan ke pêro cinîyan bi taybetî cinîyê kurdî hişyar bikerê."

 

Xeta Cinî key ameya awankerdiş?

 

Cinîyê ciwanî yê unîversîteya Tirkîya û Kurdistanî bi wesîleya 25ê Teşrîna Peyêne Roja Têkoşînê Hemverê Şîdetê Serê Cinî yê Dinya, semedê bale biancê serê rolê cinîyê ciwanan hemverê îşxalkerî, tecrîd û şer, awankerdişê xo neql kerdî.