MERKEZÊ XEBERAN - Rojnamegere Jîna Muderîs neql kerd ke dadgehe belgeyêk ci rê şirawitê û waştê ke roja Şeme xo teslîmê zîndanê cinîyan yê Sineyî bikero û cezaya xo bianco.

 

Rojnamegere Jîna Muderîs Gorcî hesabê xo yê medya dîjîtale ser o neql kerd ke Dadgeha Sineyî belgeyêk fermî ci rê şirawito ke cezaya ci rê ameya birnayîş, bêro caardiş.

 

Jîna Muderês mesajê xo de wina vat; “Şubeyê 4ine Dadgeha Sineyî, belgeyêk mi rê şirawito. Belge de vano ke, ganî roja Şeme ti bêrê xo teslîmê zîndanê cinîyan ê Sineyî bikerê. Bi tometê ‘hetkarîya komê muxalîf’ û ‘propagandayê hemverê dewlete’ cezaya 16 aşman yê zîndanî mi rê ameya birnayîş.”

 

Ercê vatişî yo ke aşma Hezîrane ya emserî de Dadgeha Şorişî yê Sine, rojnamegere kurde û çalakîkera heqê cinîyan Jîna Muderîs Gorcî rê 10 ra heta 21 serrî cezaya zîndanî da bî. Badê cû cezaya aye semedê 16 aşmî amebî kêmkerdiş.