ŞIRNEX - Semedê Pakîze Nayir, Fatma Uyar û Sêvê Demîr yê serra 2015ine de Sîlopiya de qedexeyê tebervejîyayîşê kuçeyan de amebî qetilkerdiş, merasîmêk yadkerdişî ame organîzekerdiş û wina ame vatiş: "Her yadkerdiş semedê ma venga hesabdayîşî yo.”

 

Têgêrayîşê Cinîyanê Azadan (TJA), semedê  Pakîze Nayir, Fatma Uyar û Sêvê Demîr yê serra 2015ine de Sîlopiya de qedexeyê tebervejîyayîşê kuçeyan de amebî qetilkerdiş, bernameyê yadkerdişî organîze kerd. Merdimê cinîyê ke ameyî qetilkerdiş, Dayîkê Aştîye, îdarekarê bajarî û qezayê Şirnexî yê Partîya Têduştî û Demokrasî (DEM Partî), Partîya Herêmanê Demokratîke (DBP), Komeleya Kulturî, Yewîye, Paştdayîşî û Hetkarîya Keyeyê ke Merdimê xo Dergûşê Şaristanî de Vînî Kerdê (MEBYA-DER), Komeleya Hetkarîye ya Keyeyê Tepişteyan (TUAY-DER) û xeylêk kesî beşdarê bername bîyî. 

 

Dayîka Sêvê Demîr, Sakîne Demîre dîyar kerd ke ganî êdî aştî pê bêro û vat: "Vernîya her çî ez silamê xo zîndanan rê, dayîkê şehîdan û Birêz Abdullah Ocalanî dir şirawena. Ez şexsê pêro şehîdan de ana xo vîr. Wa aştî bibo, ez bawer a demêk nêzdî de ma do aştîye bîyarê nê welatî. Eke zor bidê na rey asan nîyo. Birêz Ocalan Rayberê şarî û cinîyan o. Ma vanê êdî bes o. Ma Kurdistan azad bikerê."

 

Badê yadkerdişî do saete 15.00ine de serdayîşê goristanî bêro kerdiş.