AMED - Roniştişê dewaya rojnamegere Selamet Turan de 6 serrî û 3 aşmî cezaya zîndanî ameye dayîş û qerarê tehlîye ame dayîş. 

 

4ine roniştişê dewaya rojnamegere Selamet Turan ke bi îdiaya “Emdamîya rêxistine” yena muhakemekerdiş, 5ine Dadgeha Cezaya Giran ya Amedî ame kerdiş. Selamet Turan ke 12ê Sibata 2024ine ra tepişte ya û avûkatê aye Resûl Tamur roniştiş de hadre bî. Keyeyê Selamet Turan û merdimê aye zî beşdarê roniştişî bîyî.

 

Rojnamegere Selamet Turan roniştiş de bi kurdkî qisey kerd û vat: “Bi nêzdîyê serrêke yo bi hawayêk bêhuqûqî ameya tepiştiş” û waştişê tehliheyeyê xo kerd. Avûkat Resûl Tamûr zî pawitişê miwekîla xo sey nimûne mojna û vat ke xebatê aye, xebatê rêxistine nîyê û waştişê beraetî û tehlîye kerd. 

 

Heyetê dadgehe zî qerarê xo eşkera kerd. Heyet, bi îdiayê “endamîya rêxistine” ra 6 serrî û 3 aşmî cezaya zîndanî da û qerarê tehlîyeyî da.