RIHA – Roja 3ine ê rayîrşîyayîşê Amarayî de kesê ke Pirsûs de ameyî qetilkerdiş, ameyî yadkerdiş û mesajê "33 bêmerg ê, têkoşînê ma de ciwîyenê" ame dayîş. 

 

Rayîrşîyayîş, hetê Meclîsê Ciwanan ê Partîya Têduştî û Demokrasî (DEM Partî) bi şîarê "Ma bi Komelê Demokratîk ver bi azadîye rayîr ra şinê" qezaya Pirsûsî ya Rihayî de dewam keno. Ciwanê ke verê Rêxistina Qezaya Partîya Demî kom bî, bi sloganê;  "Bê Serok jiyan nabe" û "Ciwan Fedaiyên Apo ne" ver bi Merkezê Kulturê Amara rayîr ra şîyî.

 

 

'33 bêmerg ê, têkoşînê ma de ciwîyenê'

 

Eşkerayîye de ame dîyarkerdiş ke qirkerdişê Pirsûsî îxanet o û do hesabê nê qirkerdişî bipers ê û sozê têkoşînî ame dayîş. Eşkerayîye de ame vatiş, "Hêrişî hema zî dewam kenê. Ma tîya venga dewlete danê; fek nê provokasyonan vera bide. Ma semedê aştîye rayîr ra şinê. Heta ke provokasyonê dewlete dewam bikerê do xoverdayîşê welatijan dewam bikero. 33 bêmerg ê, têkoşînê ma de ciwîyenê."

 

Bafê eşkerayîye cayo ke 33 kesî ameyî qetilkerdiş, qerenfîlî ameyî ronayîş.