MERKEZÊ XEBERAN - Bi wesîleya rojbîyayîşê Rayberê Şarê Kurdî Abdullah Ocalanî mabêne 4-10ê Nîsane de bi beşdarbîyayîşê bi seyan sazgeh û koman panc bajaran de û desan bajaran de çalakîya 3ine Rojê Wendişê Kitabanê Abdullah Ocalanî yê Dinya ame organîzekerdiş.

 

Fransa

 

Çalakîya ke bi serkêşîya Collectif Internationaliste Marseille-Kurdistanê (CIMK) Fraternité de la Belle de Maiyî ame organîzekerdiş de fikrê Abdullah Ocalanî ser o munaqeşeyê hîra yê siyasî û felsefîk ameyî kerdiş. Çalakî de darêk zeytûnî ke ser nuşteyî "Aşitî şerî ra xidarîn a. Wexto ke ma xo ver danê ma nêtersenê, ma do wextê aşitîye de zî metersê" bîyaye, ame çinayîş.

 

Yewnanistan

 

Bajarê Selanîkî yê Yewnanistan de zî danasnayîşê kitabê Sosyolojîya Azadîye ya çapê bi Yewnanî ame kerdiş. Temsîlkarê înîsiyatîfê mîyanneteweyî û çapxaneyî ser babete kitabî yê sey rexneyê zanistê komelî, paradîgmaya komelê demokratîkî û nuşteyê zîndanî munaqeşe kerdî. Nuştoxo namdar John Holloway zî bi hawayêk online beşdarî çalakîye bî û derheqê têkariyê Rayberê Şarê Kurdî Abdullah Ocalanî yê semedê enternasyonalîzmê newe û tecrûbeyê ci yê Platformê şarê Ewropayî qisey kerd.

 

Îtalya

 

Bi serkêşîya Cinîyê Ciwanî yê Enternasyonalist rayîrşîyayîşêk xozayî ame kerdiş. Demê rayîrşîyayîşî de beşê kitabê Rayberê Şarê Kurdî Abdullah Ocalanî ameyî wendiş û derheqê azadîya cinîyan de munaqeşe ame kerdiş.

 

Katalonya

 

Bajarê Barcelonayî de zî hetê ciwanê enternasyonalîstî ra çalakîyêk ame organîzekerdiş û vatişê Rayberê Şarê Kurdî Abdullah Ocalanî tutan dir ame parekerdiş. Çalakî sey destpêkê neqlkerdişê fikrê Rayber Apo neslê neweyî rê ame pênasekerdiş.

 

Malî

 

4ê Nîsane de bajarê Bamako yê Maliyî bi serkêşîya komîteyê ciwanê UACDDDD’î xeylêk cinî û ciwanî kom bî. Çalakî çarçewaya torê ‘’Ciwanî Tarîx nusenê’’ de ame organîzekerdiş û serê têkoşînê Rayberê Şarê Kurdî Abdullah Ocalanî ê Kurdistanî semedê azadîya cinîyan, Şorişê Rojawanî û xoverdayîşê Kobanê sohbet ame kerdiş. Beşê kitabê Abdullah Ocalanî ameyî wendiş û çalakîkerî sozê têkoşînê semedê azadîya fîzîkî ya Rayber Apo dayî.

 

Endonezya

 

Herêma Jakarta ya Endonezya de hetê Tora ABC+ karkeran de mekanêk polîtîk çalakîya wendişî ame organîzekerdiş û çalakîye de kitabê Sosyolojîyê Azadîye û Nuşteyê Zîndanî yê Rayberê Şarê Kurdî Abdullah Ocalanî ameyî wendiş. Çalakî çarçewaya vatiş û xorexnekerdişî de ame organîzekerdiş û xeylêk kesî beşdar bîyî.