AMED - Şaredarîya Şaristanê Girdî seba ke gedeyî cayê tarîxî yê şaristanî bigêrê û malumat bigîrê, yew programê gêrayîşî yo 2 aşmî dana destpêkerdene.

 

Mudirîya Şûbeyê Gedeyan ê Serekîya Daîreya Xizmetê Sosyalî, seba ke gedeyê emrê 9-14î ke rewşa înan a ekonomîke baş nîya, erjanê tarîxî û kulturî bişinasnê yew programê gêrayîşî yo 2 aşmî dana destpêkerdene. Bi programî ke aşmanê Nîsane û Gulane de yo, gedeyê ke merkezê şaristanî û qezayan ra do beşdarê gêrayîşan bibê, do îmkanê dîyayîşê cayanê kulturî yê muhîmam ê Amed û herême bivînê.

 

Do kay bikerê û tarîxî bimusê

 

Projeyê ke hetê Mudirîya Şûbeyê Gedeyan ra yeno koordînekerdiş, tede gedeyî do banderê tarîxê şaristanî bibê ke tede ciwîyenê; gêrayîşan de do hetkarîya rehberanê pisporan bigîrê. Peynîya gêrayîşî de pîknîk û fealîyetê cîyayî ke do bêrê organîzekerdiş, do gedeyî hem kay bikerê hem zî do îmkan bivînê ke çîyan bimusê.

 

Takvîmo ke ameyo dîyarkerdiş wina yo:

 

26ê Nîsane: Sûrê Amedî

 

27ê Nîsane: Qezaya Gêlî

 

3ê Gulane: Çayonûyê Erxenî

 

4ê Gulane: Qeleya Zerzewanî

 

10ê Gulane: Şikeftê Hasûnî û Pirdê Malabadî

 

11ê Gulane: Şaristano Antîk ê Dara yê Mêrdînî

 

17ê Gulane: Baxçeyê Hewselî

 

18ê Gulane: Sûrê Amedî

 

24ê Gulane: Qeleya Zerzewanî

 

25ê Gulane: Girê Miradan ê Riha (Gobekli Tepe)

 

31ê Gulane: Gêrayîşê Şaristanê Mêrdînî