MERKEZÊ XEBERAN - Xeylêk hunermend û nameyan serrgêra 10ine ê esîrgirewtişê Nûdem Dûrak de vîdeo weşan kerdî û waştişê veradayîşê aye kerdî.

 

Muzîkjena kurde Nûdem Dûrak ke zîndanê Tîpê Myê Bayburtî de serra 2015ine de bi bahaneyê vatişanê deyîranê kurdî de amebî tepiştiş û di dosyayê cîya de bi tohmetê "endamîya rêxistine" 19 serrî cezaya zîndanî aye rê amebî birnayîş.

 

Xeylêk hunermend û nameyan serrgêra 10ine ê esîrgirewtişê Nûdem Dûrake de vîdeo weşan kerdî û waştişê azadkerdişê aye kerdî. Xeylêk nameyê Tunis, Nîjerya, Îngilîstan, DYA, Şîlî û Yunanîstanî paştdayîş dayî nê vengdayîşî.

 

Vengdayîş de waştişê azadîya Nûdem Dûrak û pêro tepişteyanê sîyasîyan ame kerdiş. 

 

Nameyê kesê ke veng dayî: Pink Floyd (Roger Waters), Massive Attack (Robert Del Naja), System of a Down (Serj Tankian), Rage Against The Machine (Tom Morello), awankerdoxê koma Sonic Youth (Thurston Moore) û Emel Mathlouthi, Ana Tijoux, Peter Gabriel, Brian Eno, Seun Kuti, Tunde Adebimpe û Yanis Varoufakis.