QAMIŞLO - Hemsereka Sazgehê Ziwanê Kurdkî Viyan Hesen derheqê 15ê Gulane Roja Ziwanê Kurdî de dîyar kerd ke Şorişê Rojawanê Kurdistanî dir, şorişê ziwanê kurdkî dest pêkerd û va: “Ewro mektebê sereyîn ra heta zanîngehan perwerde bi kurdkî yo. No zî game bi game ma eşkenê sey destkewtişê şorişî biercnê.”

 

Derheqê 15ê Gulane Roşanê Ziwanê Kurdkî de Hemsereka Sazgehê Ziwanê Kurdkî Viyan Hesen erjnayîş kerd. Viyan Hesen wina va: ”Bi paştdayîşê hêzê me yê siyasî, komelî, leşkerî bi yewîye encax qonaxê neweyî de ziwanê kurdkî bêro sewîyeyêke û bêro naskerdiş. Ganî komelê ma zî hîn zêde verê xo bidê ziwanê xo. Ganî kurdkî tutanê xo rê bimusnê.  Bi kurdkî bifikrê, bi kurdkî biciwîyê. Ma encax wina bi hêz bibê û tewr zêde gamanê xo aver berê.”

 

‘Perwerdeyê bi ziwanê kurdkî destkewtişê şorişî yo’

 

Viyan Hesen wina va: ”Şorişê Rojawanê Kurdistanî dir, şorişê ziwanê kurdkî dest pêkerd. Wina rayîr vernîya ziwanê kurdkî abî. Serrê destpêkî yê şorişî de mamosteyê ziwanê kurdkî ameyî amadekerdiş. Hetê sazgehê ziwanê kurdkî ra dibistanê taybetî ameyî akerdiş. Badê Îdarekarîya Xoser awan bî, êdî pêro dibistanan de perwerdeyê bi pêroyî yê bi kurdkî ameyî dayîş. Ewro dibistanê seretayî heta zanîngehan perwerde bi kurdkî yo. No zî game bi game ma kerdêne sey destkewtişê şorişî bierjnê.”

 

Merkezê musnayîşî ameyî viraştiş

 

Viyan Hesen dewam de wina qalî kerd: ”Akademî, peymangeh û zanîngehê kurdkî ewro est ê. Nê zî berardişê bi kurdkî yê akademikî muhîm ê. Ferhengê kurdkî û kitabê rêzimanî zî yenê amadekerdiş. Semedê wendekaran çimeyê cîya yenê amadekerdiş. Semedê mamoste bieşkê xebatê xo başêr aver bikerê nê muhîm ê. Her wina bajarê Rojawanê Kurdistanî û Vakur û Rojhelatê Sûrîye merkezê musnayîşî zî est ê. Yê kurd nêbê zî wazenê mamostetîya ziwanê kurdkî bikerê zî est ê.”

 

‘Bi kurdkî bifikrîyê û bi kurdkî biciwîyê’

 

Viyan Hesen tewr peyîn wina va:”Bi paştdayîşê hêzê ma yê sîyasî, komelî, leşkerî bi yewîyêk encax qonaxê neweyî de ziwanê kurdkî bêro sewîyeyêke û bêro nasnayîş. Ganî komelê ma hîns zêde verê xo bido ziwanê xo. Ganî kurdkî tutanê xo rê bimusnê. Bi kurdkî bifikrîyê û bi kurdkî biciwîyê. Verî her çî komel bi xo, wayîrê ziwanê xo yo. No lazimîyêk o. Ma encax wina bi hêz bibê û tewr zêde gamanê xo bierzê.”