MERKEZÊ XEBERAN - 15ê gulane de şarê wargehê multecîyan ê Mexmûrî hemverê tepiştişê heyetê Meclisê Şarî yê Mexmûrî Bexdayî de heta bendê kontrolî yê Iraqî rayîr ra şîyî û uca de çadira çalakîye dayî ro. Çalakîya înan roja 3ine de dewam kena.

 

Heyetêk Meclisê Şarî yê Mexmûrî ke semedê ambargoyê Iraqî û problemê Wargehê Mexmûrî şîbî Bexda, dimayê pêvînayîşê Wezîrê Edaletî dir qediya, wexto ke agêrayîne Wargehî de esîr ameyî girewtiş. Eynî wextî de 10ê nîsane ra hukmatê Iraqî rayîr nêdano ke şarê wargehî derbazê bajarê Iraqî bibê, nêverdenê kel û pelan derbaz bikerê û nêweşî şêrê nêweşxane.

 

15ê gulane de şarê Mexmûrî hemverê tepiştişê heyetê meclîsî û zêdebîyayîşê zext û tehdîdê hukmatê Iraqî yê hemverê şarê Mexmûrî heta bendê kontrolî yê Iraqî rayîr ra şî. Girseyê şarî semedê wayîrvejîyayîşê îradeyê xo, çadira çalakî dayî ro. Çalakî roja xo ya 3ine de bi qerardarî dewam kena.

 

Eynî wextî de çalakîkerê Mexmûrî dîyar kenê ke heta endamê heyetî nêrê veradayîş û rayîrê şîyîş û ameyîşî nêrê akerdiş do çalakîya xo dewam bikerê.