MERKEZÊ XEBERAN - Îsraîl de Forûmê Keyeyê Esîrgirewteyî vilawêke weşan kerd ke adirbestê Îranî dir ameyo kerdiş, Gazze zî bikero mîyanê xo. Lîderê muxalefetî Yair Lapid zî eynî eşkerayî da.

 

Forûmê Keyeyê Esîrgirewteyan va, “Ganî peymana adirbestî bêro hîrakerdiş û Gazze zî bigîro mîyanê xo. Ma venga hukmatî kenê ke dest bi muzakereyê lezgîn bikerê ke pêro esîrî agêrê û şer peynî bo. Yê ke Îranî dir adirbest pê ard, eşkeno şerê Gazzeyî zî vindarno.”

 

Sernameyê vilawike wina yo: “Nê rojan ke şarê Îsraîlî semedê Îranî 12 roj û 12 şewî yo nêkeweno ra êdî ma semedê esîran nêkewenê ra.” Ame dîyarkerdiş ke hukmatê Îsraîlî berpirsyar o ke nê îmkanî heta peynî bierjno.

 

Forûmî nê çî zî va: “Çîyo ke şarê Îsraîlî wazeno, no yo.”

 

Lîderê muxalefetî Yair Lapid zî wina va: “Û nika Gazze. Wext ameyo ke uca zî netîceyêk bêro girewtiş. Ardişê esîran û qedênayîşê şerî. Îsraîl ganî dest newe ra awankerdişî bikero.”