AMED - Îdareyê Polîtîkayê Cinîyan ê Şaredarîya Rezanî, vera pêro tewirê şîdetî yê cinîyan ser, xebatê xo yê hişyarkerdişî dewam keno.

 

Beşê Polîtîkayê Cinîyan ê Şaredarîya Rezanê Amedî, kampanyaya xo ya hişyarkerdişê hemverê kiştişê cinîyan û her tewir şîdetê cinîyan ser parkan de dewam keno. Hemşaredara Şaredarîya Rezanî Leyla Ayaz û endamê meclîsê cinîyan zî beşdarê çalakî ke Baxçeyê Gelî yê çarçewaya kampanyaya "Vatişê ma nêqedîya yo; ma do pîya şîdet vindarnê" de ame organîzekerdiş, bî.

 

Slaytek ame mojnayîş ke sazgeh û mekanîzmayê ke cinî eşkenê hemverê şîdetî û tehdîdan muracat bikerê, bi detay ame mojnayîş. Slayt temamê komxebate de dewam kerd, broşûrê ke name û agahdarîyê têkilîyê rêxistinê cinîyan ci de yê, ameyî vilakerdiş.

 

Leyla Ayaz park de her cinîyêke dir amî têhet, broşur vila kerd û muhîmîyê pêgirewtişî yê hemverê şîdetî qetî kerd. Leyla Ayaz wina va: "Tu cinî tena nîya. Ma do sewîyeya tewr berz de hemverê polîtîkayê bêcezayî û sîstemê camêrdan de pîya têkoşîn dewam bikerê."

 

Komxebate dimayê vilakerdişê broşuran peynî bî.