MERKEZÊ XEBERAN - Kongra Star hemverê dardekerdişê çalakîkera heqê cinîyan û merdiman Şerîfe Mihemedî eşkerayîye da û dîyar kerdî ke rejîmê îranî bi qerarê hemverê cinîyan wazeno komelî çin bikero.

 

Aktivîsta sîyasî û heqê cinîyan Şerîfe Mihemedî ya 45 serrî bajarê Urmîye ra ya, kanûnê 2023ine de bi bahaneyê ‘Propaganda hemverê dewlete’ kerda, amebî destbendkerdiş û 4ê temmuza 2024ine de hetê Dadgeha Şorişî ya rejîmê Îranî ra cezaya dardekerdişî ci rê amebî birnayîş. Dima ra 12ê teşrîna verêne 2024ine de qerarê cezaya dardekerdişî Şerîfe Mihemedî amebî xirabkerdiş.

 

13ê sibata 2025ine de hetê Serekê 2yîn ê Şubeyê Dadgeha Şorişî ya Reşdî, Mihemed Elî Derwêş Goftar ra cezaya dardekerdişî semedê tepişteya sîyasî Şerîfe Mihemedî amebî tesdîqkerdiş. Derheqê nê de Kongra Starî ya Kantonê Firatî serê sewîyeya Bakur û Rojhelatê Sûrîye bi rayîrê eşkerayîya fekî qerar şermezar kerd.

 

Eşkerayîya ke meydanê Jina Azad de ame dayîş, hetê endama Koordînasyonê Kongra Starî Xunav Xelîlî ra amî wendiş.