MERKEZÊ XEBERAN - Meclîsê Kongra Starî ya Kampa Serêkanî waştişê azadîya fizîkî ya Rayberê Şarê Kurdî Abdullah Ocalanî kerd û dîyar kerd ke azadîya fîzîkî ya Abdullah Ocalanî qetîkerdişê aştî û çareserîya meseleya Rojhelata Mîyanên a.

 

Meclîsê Kongra Starî ya Kampa Serêkanî ya bajarê Hesekî semedê azadîya fîzîkî ya Rayberê Şarê Kurdî Abdullah Ocalanî eşkerayîyêke da. Eşkerayî bi amadebîyayîşê endamê kongre hetê îdareyê Kongra Starî ya kampa Zeyneb Hemo ra ame wendiş.

 

Eşkerayîye de ame dîyarkerdiş ke Abdullah Ocalan bi serran o mîyanê tecrîdeke girand de yo. Eynî wextî de semedê şikinayîşê nê tecrîdî û bi waştişê azadîya ey yê fizîkî, do têkoşînê cinîyan tewr xurt bibo.

 

Eşkerayîye de ame dîyarkerdiş ke cinî esasê fikir û felsefeya Abdullah Ocalanî ser o xo bi rêxistin kenê. Sewbîna ame dîyarkerdiş ke azadîya fîzîkî ya Abdullah Ocalanî qetîkerdişê çareserîya temamê problemê Rojhelatê Mîyanên a.