AGIRÎ – Îdareya Xizmetê Cinî û Keyeyî ya Şaredarîya Agirî semedê goşdarîkerdişê problem û waştişê cinîyan anketek da destpêkerdiş.

 

Daîreya Xizmetê Cinî û Keyeyî ya Şaredarîya Agirî, anketêk hîra da destpêkerdiş ke rasterast endîşe û waştişê cinîyan bieşnawo. Tîmê ke çarçewaya cigêrayîşî de ameyê awankerdiş, cinîyan dir pêvînayîşê yew-bi-yew organîze kenê, serdayîşê taxan kenê. 

 

Îdareya Xizmetê Cinî û Keyeyî derheqê anketî de eşkerayîyêke weşan kerd û dîyar kerd ke armancê cigêrayîşî oyo ke vengê cinîyan bêro goşdarîkerdiş û xizmet goreyê lazimîyê înan bêrê amadekerdiş. Sewbîna, Şaredariya Agirî plan kena ke bi erjnayîşê netîceyan nê cigêrayîşî ser o projeyê newe semedê başkerdişê kalîteyê cuya cinîyan aver bero.