AMED - Hunermende Dîlan Cudî ya ke bi murekkep û qehwe resîman virazena va: “Zîndan de xoverdayîşêk zaf hetî est o. Rewşa xoverdayîşê bedenî, zîhn û hişmendîye zîndan de est o. Azadî xoverdayîşê beden û hişmendîye de nimite yo.”

 

Bi hevalkarîya Şaredarîya Bajarê Girdî ya Amedî, bi organîzekerdişê Komeleya Akademîya Sînema ya Rojhelatê Mîyanênî û Sinebîrî 3ine Festîvala Fîlman ê Amedî ya Mîyanneteweyî domîyeno. Festîvale bi eleqeyê gird û tewrîbîyayîşê gird domîyena û emser do 84 fîlmî bêrê mojnayîş. Eynî demî de atolye û nawitgeh zî yeno viraştiş.

 

Hunermende Dîlan Cudî Saruhan ke pêwa ke tepişte bîya resiman xêz kerda têkoşîn de cayê xo gêna. Dîlan Cudî Saruhan 2017ine de demo ke Beşa Hunerê Weşikî yê Zanîngeha Marmarayî wendêne ameye destbendkerdiş. Bi îddîayê endamîya rêxistine 9 serî ceza aye rê ameye birnayene. Dîlan Cudî Saruhan ya ke 7 serran tepişte mende zîndan de fikr, fehm û xeyalê hevalanê xo kaxizî ser o xêz kerde. Bi qehwe û qeleman resimanê xo xêz kerde.

 

Dîlan Cudî Saruhan va, bi resimanê xo mesajêk gird dana û va: “Nê proseso ke qalê aştîye beno festîvale de tepişyayîş semedê mi serberzîyêk gird o. Ez serrêke verê tehlîye bîya. Nawitgehêk wina de ca girewtiş zaf weş o. Na xebatê mi mabêne 2017-2024ine ya. Zîndan de mi na xebate viraşte.”

 

Dîlan Cudî Saruhan va, nameyê xebata aye “Xewnên Revê” ya û va xebata xo tecrûbeyê têhetameyîşê hempar ê zîndanî viraşta. Dîlan Cudî Saruhan va: “Her kesê ke yenê tepiştiş hewnêk înan yê remî est o. Ez nê ser o xebetîyaya. Demê nawitgehêk wina vejîya mi va karê tewr ca no yo. Mi xêzanê xo de azadî girewt dest. Mi bi hacetê murekkep, qehwe û xwezî resimanê xo viraşt. Heme resiman de rewşa xoverdayîşî est a. Xoverdayîş yeno manaya hemverê zordarîyê têkoşînî. Zîndan de zî xoverdayîşêk zaf hetî est o. Rewşa xoverdayîşê bedenî, zîhn û hişmendîye zîndanî de est o. Azadî xoverdayîşê bedenî û hişmendîye de nimite ya.”