STENBOL - Meclîsê Weşîya Kedkaran û Emnîyetê Karî (ÎSÎG) raporê “Kiştişê Karî” yê aşma adare 2026î weşana. Goreyê raporî tewr kêmî 148 kedkarî karî ser o cuya xo ra bîyî.

 

Êyê ke cuya xo ra bîyî, tede 8 gedeyî, 15 penaberî, 16 cinîyî û 132 camêrdî est ê.

 

Raporî de sebebê merdişî zî ameyî dayene: Se ra 24î qezaya trafîk-servîsî, se ra 19î krîzê zerrî, se ra 17î zî berz ra kewtiş.

 

Goreyê beşê karî rêjeya merdişan wina ame dîyarkerdene: Se ra 18 înşaat-rayîr, se ra 16 barkerdiş, se ra 14 citekarî-daristanîye, se ra 11 tîcaret-buro, se ra 5 madenkarîye.

 

Şaristano ke tewr zêde kiştişê kedkaran tede bîyo, Stenbol ameyo dîyarkerdene.