Cinîyan ra vengdayîşê 25ê Teşrîna Peyêne: Ma wareyan de yê

  • 09:25 19 Teşrîna peyêne 2026
  • NAROJANE
STENBOL - Ver bi 25ê Teşrîna Peyêne Roja Mîyanneteweyî ya Têkoşînê Vera Şîdetê Cinîyan, cinîyan verba şer, nijadperestî û faşîzmî de mesajê yewbîyayîşî da.
 
Ver bi 25ê Teşrîna Peyêne Roja Mîyanneteweyî ya Têkoşînê Vera Şîdetê Cinîyan, cinan verba zextanê sîstematîkan, qirkerdişê cinîyan û tedayî de vengdayîşê têkoşînê hemparî kerd. Cinan dîyar kerd ke bi armancê paştdayîş û pawitişê heqê cuya cinîyan do 25ê Teşrîna Peyêne de Taksîm Tunelî de bibê.
 
Serê rêça wayanê Mirabelî de
 
Cinîyan bala antî tarîxê 25ê Teşrîna Peyêne û mîrasê xoverdayîşê Wayanê Mirabelî ser û dîyar kerdî ke verba qetilkerdişanê cinîyan, mergê bi gumanî yê cinîyan û polîtîkayanê bêcezakardişî yê ke gumanbaran pawenê bêveng nêmanê. Cinan bala antî paştdayîşê cinîyan ê verba polîtîkayanê dewlete û zîhniyetê serdest ê mêrdeyî ser û veng dayî cinan ke tewrê çalakîyanê wareyan bibê. Cinan ver bi 25ê Teşrîna Peyêne ra verba şer, nijadperestî û faşîzmî de mesajê yewbîyayîşî da.