RIHA -Ciwanên ku bi boneya 76’emîn rojbûna Rêberê Gelê Kurd Abdullah Ocalan ber bi Amarayê ve dimeşin, li Curnê Reşê gorên kesên di têkoşîna azadiyê de jiyana xwe ji dest dane ziyaret kirin. 

 

Ciwanên ku bi boneya 76’emîn rojbûna Rêberê Gelê Kurd Abdullah Ocalan ji Amedê ber bi Amarayê ve dimeşin çûn serdana goristana navçeya Curnê Reş  a Rihayê. Ciwanan gorên kadroyên pêşeng ên PKK’ê yên di salên 1979-80’an de jiyana xwe ji dest dabûn, bi taybetî Cuma Tak, Salîh Kandal, Emîn Yazir, Halîl Çavgun, Sûltan Yavuz, Hanim Kaya, Fîdan Kaya, Berfîn Yetkîn ên di têkoşîna azadiyê de jiyana xwe ji dest dabûn, li Goristana Hîlvanê ya Asrî ziyaret kirin. Tevî ciwanan xwişka Salih Kandal Aynur Yilmaz û Parlamentera DEM Partiyê ya Mêrdînê Bêrîtan Guneş Altin jî tevli serdanê bûn. Bîranîn bi deqîqeyek rêzgirtina ji bo bîranîna kesên di têkoşîna azadiyê de jiyana xwe ji dest dane dest pê kir.

 

Bêrîtan Guneş Altin di bîranînê de axivî û diyar kir ku ew ê nirxên ku di têkoşîna azadiyê de jiyana xwe ji dest dane di meşê de li her navçeyê bi bîr bînin û got, "Em ê ala ku radestî me kirin heta dawiyê hilgirin."

 

Xuşka yek ji kadroyên pêşeng ên têkoşîna azadiya Kurd Salih Kandal Aynur Yilmaz jî bîranînên xwe yên pêşengên jiyana xwe ji dest dane vegot û got, "Hûn ciwan vê alê hilgirin. Em bi keda we serbilind in. Em ê heta dawiyê li yêkoşîns wan xwedî derkevin."

 

Bîranîn bi danîna kulîlkan li ser goran bi dawî bû.