Elfazi Toral

 

STENBOL - Berdevka TJK'yê Ayten Kaplan diyar kir ku kampanya "Ji Abdullah Ocalan re Azadî, Ji Pirsgirêka Kurd re Çareseriya Siyasî" li hemû welatên Ewropayê ketiye nava liv û tevgerê û diyar kir ku heta azadiya fîzîkî ya Abdullah Ocalan pêk bê dê kampanya bidome.

 

Kampanyaya “Ji Abdullah Ocalan re Azadî, Ji Pirsgirêka Kurd re Çareseriya Siyasî” ku ji aliyê gelê Kurd û dostên wan ve di 10’ê Cotmeha 2023’an de hatiye destpêkirin, dewam dike. Kampanyaya ku ji bo azadiya fîzîkî ya Rêberê Gelê Kurd Abdullah Ocalan hatiye destpêkirin, li welatên Ewropayê hê jî rojane didome. Çalakiyên curbecur bi tevkariya tevgera jinan li gelek deverên Ewropayê bi taybetî li Swîsre, Fransa, Elmanya, Belçîka, Hollanda û Awûstûrya berdewam dikin. Çalakiya ji bo azadiya fîzîkî ya Abdullah Ocalan a li gelemperiya cîhanê ji gelek deverên cîhanê bi wate dibe, hate destnîşankirin ku heta azadiya fîzîkî ya Abdullah Ocalan wê bidome.

 

Berdevka TJK-E'yê Ayten Kaplan li ser rewşa heyî ya kampanya "Ji Abdullah Ocalan re Azadî, Ji Pirsgirêka Kurd re Çareseriya Siyasî" axivî.

 

'Divê di vî warî de azadiya fîzîkî bê misogerkirin'

 

Ayten Kaplan diyar kir ku di çarçoveya kampanya "Ji Ocalan re Azadî, Çareseriya Siyasî ya Pirsgirêka Kurd" di 10'ê Cotmeha 2023'an de di bin pêşengiya tevgera jinên Kurd de xebat meşandine û got, "Me gelek rojên xwendinê, panel û gelek çalakiyên kolanan û çalakiyên danasîna paradîgmaya Rêbertiyê li dar xistin." Ayten Kaplan, anî ziman ku bi taybetî jinan di çarçoveya kampanyayê de çalakiyên xwe pêk anîn û got, "Hem di warê paradîgmaya jinê ya Rêbertiyê û hem jî ji aliyê îdeolojiya azadiya jinê ve pêşandan hatin kirin. Di vê çarçoveyê de heta roja îro hatiye. Di demên dawî de gelek kesên ku Xelata Nobelê ya aştiyê wergirtine, piştgirî dan vê bangawaziyê û îmze avêtin vê bangê. Bi banga civaka demokratîk re bangek mezin hat kirin. Me bi hemû çalakiyên xwe yên 8'ê Adarê banga xwedîderketina li vê banga Rêbertiyê kir. Weke tevgera jinê me xebatên xwe yên ji bo pêkanîna hemle û bangawaziyê ji nû ve nirxand. Hêviya me ew e ku di vê pêvajoyê de Rêbertî ji mafê hêviyê sûdê werbigire û di nava şert û mercên wekhev de be. Ger şert û mercên guherîn û veguhertinê li gorî dewletê bi xwe hebin, divê van şertan jî ji Rêbertî re peyda bikin. Em di wê baweriyê de ne ku divê di vî warî de azadiya fîzîkî bê misogerkirin."

Hamle

 

'Heta ku azadiya fîzîkî pêk were wê kampanya bidome'

 

Ayten Kaplan bal kişand ku kampanya li hemû welatên Ewropayê ketiye jiyanê û wiha got: "Tevgera jinan li gelek deverên Ewropayê bi taybetî li Swîsre, Fransa, Elmanya, Belçîka, Hollanda û Awûstûryayê xebatên xwe dimeşîne. Civînên jinan hene, lêkolînên li ser jin wê çawa bibin şirîkên vê pêvajoyê dewam dikin. Lê heta azadiya fizîkî ya Rêbertî pêk were ev tevger wê bidome. Di vî warî de heta ku bangawazî cihê xwe bigre û şert û mercên Rêbertî pêk neyên wê ev tevger bidome. Ev tevger bi hevalan re mezin bû. Paradîgmaya Rêbertiyê weke alternatîfa pergala heyî tê dîtin. Em di nuqteyeke wisa de ne ku niha sîstem hatiye astengkirin. Sîstemek heye ku li ser jiyana xwe difikire, lê berdewamkirina vê pergalê şer û koçberiyê tîne. Bersiva van qeyranên ku li çaraliyê cîhanê hatine jiyîn tune. Bi taybetî jî dema ku mîna Tirkiyê li ser hebûna xwe ya hincet bi israr be, her ku diçe zêdetir vediguhere tiştekî leşkerî. Bi binçavkirin, girtin û tepisandina kesên li dijî vê sîstemê ne, nikare çareseriyê pêk bîne. Li aliyê din paradîgmaya Rêbertiyê jî dibêje, her tiştî gel diyar dike, gel biryara xwe dide û gel bixwe jî diyar dike ku çawa dixwaze bijî. Lê pirsgirêkên xwe jî bi hev re çareser dikin."

 

'Ev bang derfeteke dîrokî ye'

 

Ayten Kaplan da zanîn ku ev bang derfeteke dîrokî ye û wiha bi dawî kir:"Em paradîgmaya Rêbertiyê bi vekirina qadan li gelek cihan li ser eksena çalakiyê didin nasîn. Vê tevgerê feydeyên mezin bi xwe re anî. Di encama vê tevgerê de dewlet çû wir. Civak êdî dikare bibe bingeha aramî, aştî, xwişk û biratî û jiyana hevpar. Di vî warî de gavên ku dewlet dikare û divê bavêje hene. Pêwîst e ev yek ji aliyê desthilatdarên siyasî ve bê biryarkirin û divê komîte û heyet bên avakirin. Pêwîst e li ser avakirina aştiyeke demokratîk nîqaş bên kirin. Ger çareseriyek rast çêbibe pêwîst e parlamento, qanûn û civak tev li hev bibin. Weke gava duyemîn, divê guherîn û veguhertineke wiha çêbibe. Divê dewlet bi gavên cidî nêzî vê pêvajoyê bibe. Ger dewlet dixwaze di navbera gelan de xwişk û biratî, aştî û aramiyê çêbike, divê wêrek be û pêvajoyê pêş bixe. Divê girîngiya tevgerê ji vir jî were dîtin. Bi banga Rêbertî, têkoşîna 50 salî ya gelê Kurd, nirxên ku derketine holê û sedema hebûna xwe bi dest xistine. Piştî bangê gel vîna xwe eşkere kir û gel amade ye. Ev bang derfeteke dîrokî ye. Kurd ji vê pêvajoyê re amade ne û li benda gavekê ne. Divê her kes berpirsiyariya xwe bizane. Ez di wê baweriyê de me ku em ê bi xurtkirina destê Rêbertî bi parastina hemû nirxên ku derketine holê bi ser bikevin.”