RIHA - Ji bo rojbûna Rêberê Gelê Kurd Abdullah Ocalan dê di 3-4’ê Nîsanê de li navçeya Xelfetiyê mihrîcan û meşek were lidarxistin. Platforma Saziyên Demokratîk li navçeyê serdana dikandaran kir û ew vexwendin mihrîcanê.

 

Ji bo rojbûna Rêberê Gelê Kurd Abdullah Ocalan dê di 3-4’ê Nîsanê de li navçeya Xelfetî ya Rihayê û gundê wê yê Amarayê mihrîcan û meşek bê lidarxistin. Xebatên ji bo mihrîcan û meşê didomin. Parlamentera DEM Partiyê ya Êlihê Zeynep Odûncû, Hevşaredara Xelfetiyê Saniye Bayram a qeyûm tayînî şuna wê hate kirin, xwarziyê Abdullah Ocalan Alî Ocalan û pêkhateyên Platforma Saziyên Demokratîk li navçeyê serdana dikandaran kirin.

 

Dikandar vexwendin mihrîcanê

 

Girseyê di serdanê de dikandar vexwendin mihrîcana ku dê sibê bê lidarxistin. Dikandaran jî keyfxweşiya xwe anîn ziman û diyar kirin ku wê tev li mihrîcanê bibin. Her wiha di serdanê de dirûşma “Rojbûna te pîroz be ey Serok Apo” hate berzkirin. Girseyê di serdanê de li çepikan jî dan û lîlandin.

 

Dirûşma ‘Rojbûna te pîroz be ey Serok Apo’ berz kirin

 

Girse pişt re hate avahiya Rêxistina DEM Partiyê ya Xelfetiyê û li vê derê govend gerand. Girseya ku parlamenterên DEM Partiyê jî di nav de bû dirûşmên “Rojbûna te pîroz be ey Serok Apo” û “Bijî Serok Apo” berz kirin.