Medya Uren

 

MÊRDÎN - Taxa Deyşanî ya Şemrexî hemwelatijê ke problemê awe û ceyranî ciwîyenê, awa xo bîra sondajî ra gênê. Welatijan ke seba problem bêrê çareserkerdiş, veng dayî.

 

Taxa Deyşan ya Şemrexî ya Mêrdînî problemê awe û ceyranî yeno ciwîyayîş. Welatijê ke Deyşan de ciwîyenê, seba probleman nêeşkenê berardişê ramitişî bigîrê. Seba problemê awe û ceyranî nîno çareserkerdiş êdî problemê ekonomî vejêno werte. Welatijê ke taxe de ciwîyenê, problemanê ke ciwîyenê qal kerdî.

 

'Ma gerre kerd la feyde nêkerd' 

 

Hamdiye Bozkurt ke Deyşan de ciwîyena dîyar kerd ke problemê awe û ceyranî bi serran o û vat: "Ma nêeşkenê erdê xo biramnê. Seba nê problemê ekonomî yeno ciwîyayîş. Xeylêk rey ma gerre kerd, ma probleman ard ziwan la feyde nêkerd. Seba nê probleman ciwanê ma teberê bajarî de xebityenê. Eke awe bibîne wina nêbîne."

 

'Dewijî bîrêk ra awe xo gênê'

 

Cemîle Bîlen zî wina vat: "Keyeyî bi ramitişî dir eleqedar benê. Ma çiqas na rewşe bîyarê ziwan zî rewşe nêvuryena. Ma bi metodê sondajê dewe awe gênê. La no zî qîm nêkeno. Semedo ke heme dewijî bîr ra awe gênê. Debara ma girêdayê ramitişî û pesdewarî esto. Seba ke problemî zaf zêde yê ma nêeşkenê debara xo bikerê."

 

'Ma nêeşkenê fatura awe û ceyranî bidê'

 

Cemîle dewamê qiseykerdişê xo de vat ke varanê ke vareno dir gole virazênê û awe xo ûca ra gênê û vat: "Ne şaredarî ne keya çîyêk nêkenê. Ma fatureyê awe û ceyrano ke xebitnenê zî danê. Semedo ke zimistanî ceyran çin o, ma zimistanî sergoyan veşnenê. Ganî şaredarî nê problemî çareser bikero.”