RIHA - Keyeyê Şenyaşarî 166 rojî yo çalakîya xo ya "Nobeta Edaletî" dewam keno. Keyeyî ewro nê mesajî da: "Ma do edalet pîya bîyarê.”

 

Çalakî “Nobeta Edaletî” keyeyê Şenyaşarî verê Edliyeyê Rihayî de roja 166ine de dewam keno. Semedo ke bînaya edliyeyê padeyaya, keye, çalakîya xo ya nobete keyeyê xo yê Pirsûsî de dewam keno. 

 

Keyeyî, pankartê ambûlansa ke wexto Pî Haci Esvet û lajê ey Celal û Adil Şenyaşar ci de bî û hêriş ame kerdiş, daliqna û nuşteyê “14ê hezîrana 2018 de Nêweşxaneyê Dewlete ya Pirsûsî de pî û 2 lajê ey ameyî qetilkerdiş. 3 serrî yo yew tepişte zî çin o! Wa huqûqê serdestan peynî bibo. Semedî herkesî edalet” ameyîne nuştiş bi nê mesajî pare kerd: “Heta ke şima nê bêedaletî û zulmî peynî nêkerê, şima mehkumê vînîkerdişî yê.  Gama ke roja ci ame kesê ke qirkerdiş kerdî û selahîyetdarê ke çîyêk nêkerdî, do vernîya hukmî de hesab bidê. Ma do edalet pîya bîyarê.”