KOCAELÎ - Yewin merkezê berardişî yê cinîyan ê Kocaeliyî KARKAD, bi zanayîşê kokê cinîyan û bi berardişê cinîyan xo dano ciwîyayîş. Sereka komeleye Ece Çîftçî, diyar kerd ke cinî bi berardişê xo estê.

 

Çîyo ke cinî hemverê polîtîkayê teda û binpaykerdişan gane verdeno, paştdayîş û cuya kolektîf o. Ganî no proseso ke cinî tena ameyê verdayîş cinî, vera nê cinî xo rê ware awan kenê. Nînan ra yew zî KARKAD o. Komeleya Destê Cinîyan ya Kartepe (KARKAD) 19’ê êlule 2019 de bi paştdayîşê şaredarî taxa Derbent a qezaya Kartepe a Kocaeliyî ame awankerdiş.

 

Koperatîfo ke wayîrê taybetîyê yewin cayê berardişî yê cinîyan ê Kocaeliyî yo, rîçal, tirşî, nano tenik û xeylêk xidayê bîn yenê amadekerdiş. Cinî berardişê xo ofîsê rotişî de resnenê şarî. Berhemê cinîyê ke koperatîf de xebityenê, kokê înan reseno xidayê gelerî. Cinî koperatîf de hem hetê ekonomî de xurt benê û hem zî têkiliyê xo pîya xurt kenê.

 

Taxa ke koperatîf ci de ameya akerdiş, goreyê xeylêk qezayê bajar, xeylêk aver şîya. Wexto merdim keweno taxe merdim hîs keno ke cinî tîya de dest danê cuye. Derbent de cinîyan bi keda xo ramojnayê ke her wareyê cuye de game eştê. Sereka Kooperatîfî Ece Çîftçî, dîyar kerd ke yew zî amanco tewr girîng kooperatîfî oyo ke cinî keye ra vejîyê teber û cuyêke aîdê xo awan bikerê.

 

‘Se ra 90 xidayî cinîyê ke berardiş kenê înan ra yenê girewtiş’

 

Ece dîyar kerd ke xeylê madeyê xidan se ra 90 berardişê cinîyan ra yeno girewtiş û dîyar kerd ke bi no hawa paştdayîşê cinî keweno teberê sînorê Derbentî. Ece wina vat: “Amancê esas ê kooperatîfî oyo ke keda cinîyan bêro vînayîş, cinî tewrê ekonomî bibê. Ma se ra 80 resayê amancê xo.”

 

‘Cinî bi berardişê xo esta’

 

Ece tewr peyîn da zanayîş ke bi rayîr û metodê gelerî xidayê sey erîşte, nano tenik, rîçal, marmelat viraznenê û vat: “Têkiliyê wayêbîyayîşî tewr pîl o. Kooperatîf her ke şino pîl beno. No ma kêfweş keno. Hedefê ma oyo ke ma berardişê xo biroşê marketan zî. Ma cinî bi berardişê xo esto.”