AMED - Tîyatroyê Bajarî yê Amedî, atolyeyê bêpere ke perwerdeyîyê tîyatro zî mîyan de ca gêno, organîze keno.

 

Tîyatroyê Bajarê Amedî ke her serre Amed de bi xeylêk kaykerdoxan dir vejêno vernîya temaşekerdoxan, do bi paştdayîşê Enstîtuyê Goetheyî atolyeyê bêpere ke perwerdeyîyê tîyatroyê zî mîyan de ca gêno, organîze bikero. Muracatê xebatê atolye ke kesê ke emrê înan 18 serre yo eşkenê beşdar bibê û 20 kontenjanî yeno meydan, do 13ê êlule de peynî bibo. Dimayê muracatan do 18 û 19ê êlule de weçînayîş bêro kerdiş.

 

Do Tîyatroyê Bajarê Amedî atolyeyê sey Clown, Pandomîm, Hereket û Dans, Bûkoke, Jonglor û Nuştoxîya Dramatîk de dersê Kaykerdişê Bingehîn, Veng û Kondusyon, Tarîx û Têoriyê Tîyatroyî, Analîzê Metnê Dramatîk, Rîtm û Perwerdeyîyê Vengî bidê beşdarwanan. 

 

Kesê ke wazenê beşdarê xebatê atolyeyî bibê eşkenê muracatê Tîyatroyê Bajarê Amedş qezaya Peyasî bikerê û sewbîna eşkenê name, peyname û nimreyê telefonî adresê maîlê xo ra  amedtiyatro@gmail.com rê bişawê û muracat bikerê.