Oznur Deger

 

ENQERE - Sekretera cinîyan a SESî Gonul Adibellî dîyar kerd ke serebûtê hedefgirewtişî nêweşxaneyêk Şengalîyê hetê Tirkîya de ame kerdiş, sûcê şerî yo û vat: "Şertê şerî de nêweşxaneyî cayêke dest nêro dayîş ê la nêweşxane û cayê sivîlî bi eşkera ameyê bombardumankerdiş û no  sûcê şerî yo."

 

No demêko derg o Tirkîya hemverê Şengalî de hewldayîşê caardişê hêrişan de ya û Arteşa Tirkî 17ê tebaxe de Şengal de nêweşxaneyêk bombarduman kerd û 4 kedkarê weşîye mîyan de pêroyî 8 kesî qetil kerd. No demêko derg bi hedefgirewtişê Şengalî hetê rêxistinê komelîyê sivîlî, partîyê sîyasî û rayaumumî de ameyîne  rexnekerdiş û cinîyan seba Doktor Muhlîse Sîdar ke hêrişî de dinyaya xo bedilna, bajaran de çalakîyê protestoyî kerdî.

 

Sekretera Jinan a Sendîkaya Xizmetê Komelî û Weşîye (SES) Gonul Adibellî dîyar kerd ke qetilkerdişê Muhlîse Sîdar û kedkarê weşîye yê bîn sûcê şerî yo.

 

'Sûcê şerî ame kerdiş'

 

Gonule dewam de wina vat: "Mîyanê hêrişan de cayê pîroz yê êzidîyan ameyî rijnayîş, wareyê cuya înan werte ra ame wedaritiş. Komeleyê Şengalî xoverdayîşê lazim mojna yo û zorê çeteyê DAIŞî berdo. Îqtîdar seba ke xoverdayîşê welatijê Şengalî bişikino hêriş kerdo. Tîya de zî hemverê Pêkerdişê Cenevre û pêkerdişê mîyanneteweyî vejîyayo. Seba ke hêriş de sivîlî hedef ameyî girewtiş. Nêweşxaneyî şertê şerî de zî destnêdayîşê înan esto. La nêweşxane û cayê sivîlî bi eşkera ameyî bombevarankerdiş. Sûcê merdimayî ameyo kerdiş."

 

'Vizêr Şengal, ewro Efxanîstan û Tirkîya...'

 

Gonule tewr peyîn nê vat: "Vizêr Şengal ewro Efxanîstan û Tirkîya de serebûtî nêqedênê. Cinî şer de sey ganîmetî yenê vînayîş. Dinya de cinî mecbûr ê hemverê zîhniyetê serdestî de vinderê. Ferqê DAIŞî û Talîbanî nêkeno. Beno ke tehemulê înan Pêkerdişê Stenbolî rê çinbo. La ganî ma cinî her wext vatişê xo vajê. Ganî wareyê ma cinîyan bibo. Ma prosesêk tarîxî ra derbaz benê. Cinî her cayê dinya de bi şîdetî dir rî bi rî manenê. Kam beno wa bibo, kam welat beno wa bibo ganî cinîyê rêxistinê komelê sivîlî vatişê xo vajê û vindertişê înan bibo."